काठमाडौं । अहिलेको समयमा फेसबुक प्रयोग नगर्ने स्मार्टफोन प्रयोगकर्ता निकै थोरै हुन्छन् । सामान्य हिसाबले इन्टरनेट प्रयोग गर्ने हरेक व्यक्तिले फेसबुक प्रयोग गर्ने अन्दाज गरिन्छ ।

तर फेसबुकमा कसैले जासुसी गरिरहेको छ वा छैन भन्ने कुराको जानकारी राख्ने उपायको भने एकदमै थोरै प्रयोगकर्तालाई मात्र थाहा हुन्छ ।

यदि तपाईंलाई आफ्नो फेसबुक अरुले हेरिरहेको वा चलाइरहेको छ वा छैन, थाहा पाएर ढुक्क हुने तरिको जानकारी छैन भने पनि चिन्ता नलिनुहोस् । आज हामी तपाईंलाई अरुले आफ्नो फेसबुकको निगरानी गरिरहेको थाहा पाउने तरिकासँगै त्यसलाई कसरी रोक्ने भन्ने विषयमा समेत बताउँदै छौं ।

कसैले जासुसी गरे वा नगरेको कसरी थाहा पाउने ? 

यदि तपाईंले कार्यालयको कम्प्युटर वा अरु कसैको मोबाइल तथा ल्यापटपबाट आफ्नो फेसबुक खोल्नु भएको थियो भने लग आउट गर्न बिर्सिनु भएको हुनसक्छ । यस्तोमा उक्त डिभाइसमा पासवर्ड नै सेभ हुने गरी तपाईंको लग ईन बसेको हुन पनि सक्छ ।

त्यसो भएको खण्डमा ती डिभाइसबाट तपाईंको फेसबुकका सबै गतिविधिको जासुसी गर्ने काम भइरहेको हुनसक्ने संभावना निश्चित जस्तै छ ।

त्यसलाई यकिन गर्न आफ्नो फेसबुक एपको माथि दायाँ कुनामा रहेको तीन वटा धर्सामा ट्याप गर्नुहोस् ।


Your Views
Related News