धनकुटा — अविरल वर्षापछि धनकुटा नगरपालिका ६ फोक्लेन्ड टापुमा पहिरो जाँदा १२ घरमा क्षति पुगेको छ । पहिरोका कारण सिंगो बस्ती नै जोखिममा परेको छ भने ३ परिवार विस्थापित भएको प्रहरीले जनाएको छ ।

धनकुटामा पहिरो प्रभावित बस्ती र उद्धार गर्दै नेपाली सेना तथा प्रहरी । तस्बिर: रमेशचन्द्र अधिकारी/कान्तिपुरस्थानीय पदमशेर राई, जोसना राई र विशालहाङ राईको परिवार विस्थापित भएका छन् भने तोर्णदिप तिगेला, सन्तविर लामा, इन्द्रमाया लिम्बू, खड्ग कटुवाल, रितु श्रेष्ठ र शेरबहादुर भण्डारीको घर पहिरोको उच्च जोखिममा परेको जिल्ला प्रहरी कार्यालयका प्रमुख एसपी गोविन्द अधिकारीले जानकारी दिए । उनीहरुका घरको दुवैतर्फबाट पहिरो गएको छ । बिहानको खाना खाने समयमा पहिरो जान थालेपछि त्रास उत्पन्‍न भएको स्थानीय तोर्णबहादुर लिम्बुले बताए । ‘आँखा सामुन्ने सिंगो बस्ती जोखिम हुनेगरी पहिरो गयो’, उनले भने, ‘ज्यान जोगाउनै मुस्किल भयो ।’

कोसी राजमार्गको धरान धनकुटा सडक खण्डबाट एक सय मिटर दुरीको ढलाई गरिएको पक्की सडक समेत क्षतिग्रस्त भएको स्थानीय खड्गबहादुर कटुवालले बताए ।

विस्थापित परिवार छिमेकीको घरमा आश्रय लिएका छन् । फोक्लेन्ड टापु सिंगो बस्तीलाई स्थानान्तरण गर्न जरुरी रहेको वडाध्यक्ष नरेश श्रेष्ठले बताए । नगरपालिका र स्थानीय प्रशासनसँग सहकार्य गरेर बस्ती स्थानान्तरण गरिने श्रेष्ठको भनाइ छ । उक्त स्थानमा प्रभावित परिवारलाई नेपाल प्रहरी तथा नेपाली सेनाले उद्धार गरेको छ ।

यस्तै धनकुटा नगरपालिका ६ कै खाल्डे गाउँका स्थानीय विरेन्द्र पराजुलीको घरमा क्षति भएको छ । महालक्ष्मी नगरपालिका ५ रामबजारका विजय साहको घर भत्किएको छ । घटनामा ७ लाख बराबरको क्षति भएको अनुमान गरिएको छ ।

धनकुटा नगरपालिका ५ बिहिबारेमा पनि एक घर भत्किँदा १५ लाख बराबरको क्षति पुगेको छ ।

दत्तुमा सशस्त्रको बीओपी स्थापन

दार्चुला — भारतसँग सीमा जोडिएको महाकाली नगरपालिका-९ दत्तुमा सशस्त्र प्रहरीको बोर्डर आउट पोष्ट(बीओपी) स्थापना गरिएको छ ।

भारतसँगको सीमामा पछिल्लो समय सशस्त्र प्रहरीको एउटा गुल्मसहित चार वटा बीओपी स्थापना भएका छन् ।

सशस्त्र प्रहरीका नायब महानिरीक्षक हरिशंकर बुढाथोकीले आइतबार बीओपीको उद्घाटन गरे । उनले संगठन प्रमुखको नीति निर्देशनलाई सदैव पालना गर्न मातहतका सुरक्षाकर्मीहरुलाई देशको सीमा रक्षा गर्न निर्देशन दिए ।

सशस्त्र प्रहरीको बिओपी स्थापनापछि सीमा अपराध न्यूनिकरण तथा नागरिकलाई शान्ति सुरक्षा प्रदान गरिने विश्वास गरिएको छ । दत्तुमा बीओपी स्थापना भएपछि महाकाली किनारको बेत,उडै, चुच्चै, सकार र धाप लगायतको ठाउँसम्म सुरक्षा प्रदान गरिने सशस्त्र प्रहरी बल हेडक्‍वार्टर ४४ नं. गणका गणपति नरेन्द्र बमले जानकारी दिए ।

यसअघि सशस्त्र प्रहरीको लेकम गाउँपालिका-३ लाली, मालिकार्जुन गाउँपालिका-७ जौलजिवी र ब्यास गाउँपालिका-२ को दुम्लिङमा बीओपी स्थापना गरिएको थियो

READ MORE NEWS

प्रदेश १ मा थप १ सय ८१ जनामा कोरोना संक्रमण

कान्तिपुर संवाददाता

मोरङ — प्रदेश १ मा आइतबार १ सय ८१ कोरोना संक्रमित थपिएका छन् । दैनिक संक्रमण संख्यामा यो अहिले सम्मकै उच्च हो । मोरङमा १ सय ६७, सुनसरीमा ७, झापामा ३, भोजपुरमा २, तेह्रथुम र प्रदेश १ बाहिरका १/१ जना रहेको सामाजिक विकास मन्त्रालयले जनाएको छ ।

तस्बिरः सटरस्टक ।मन्त्रालयका अनुसार विराटनगरमा १ सय ३० जनामा संक्रमण देखिएको छ । जसमा ५१ महिला र ७९ जना पुरुष रहेका छन् ।

यस प्रदेशमा कोरोना संक्रमितको संख्या ६ हजार ४ सय ३६ पुगेको छ । संक्रमितमध्ये २ हजार ८ सय २५ जना संक्रमित निको भएका छन् भने ६३ जना संक्रमितको मृत्यु भइसकेको छ ।

प्रकाशित : आश्विन ११, २०७७ १६:४२

प्रतिक्रिया
पठाउनुहोस्

उपत्यकामा २४ घन्टामा थपिए ८ सय ९ जना संक्रमित 

कान्तिपुर संवाददाता

काठमाडौँ — उपत्यकामा ८ सय ९ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयको नियमित प्रेस ब्रिफिङका क्रममा आइतबार प्रवक्ता डा जागेश्वर गौतमले पछिल्लो २४ घन्टामा उपत्यकाका तीन जिल्लामा ८ सय ९ जनामा संक्रमण पुष्टि भएको जानकारी दिएका हुन् ।

उनका अनुसार काठमाडौंमा ६ सय ३३, ललितपुरमा १ सय ४ र भक्तपुरमा ७२ जना रहेका छन् ।

२४ घन्टामा १० हजार १ सय २३ पीसीआर परीक्षण भएका छन् ।

नेपालभर भने २४ घन्टामा थप १५ सय ७३ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।


Your Views
Related News