काठमाडौ । सुरेन्द्र खड्का (गोल्डेन्स उद्भास) बारिमा टमाटर टिप्दै आफैले सृजना गरेको ‘अर्को एउटा कुरु क्षेत्र’ कविताका हरफहरु वाचन गर्दै थिए ।

 

‘अब तिम्रो ह’तिया’र हलो चम्कियोस कुरु क्षेत्रको मैदानमा अब सन्खकोस गरौ एक यु’द्द म’रुभू’मि’को बि’रु’द्धमा’

 

‘अर्को एउटा कुरु क्षेत्र’ कविता लेखिसके पछि सुरेन्द्र खड्का अर्थात गोल्डेन्स उद्भास कृषि कर्ममा होमिएको थिए । अंग्रेज़ी साहित्यका विद्यार्थी , नेपाली साहित्यमा क्रियाशिल ब्यक्ति अनि पेशाले ब्यवसायिक कृषक यहीँ हो उनको परिचय ।

 

 

खड्का ब्यवसायिक रुपमा २०६९ बाट कृषि कर्म गर्दै आएका छन् भने उनले सुरुवातका दिनहरूमा ब्यवसायिक च्याउ खेती गरेको थिए । इजरायली प्रबिधिलाई नेपालमा प्रयोग गर्दै कृषिमा आधुनिकीकरण गर्दै आएका खड्काले विभिन्न उपकरण समेत आफैले बनाएका छन् ।

 

 

जानकी गाउँपालिका वडा नम्बर ३ ठट्टेनपुरमा ब्यवसायिक टमाटर खेती गर्दै आएका ३१ वर्षिय सुरेन्द्र खड्का टमाटर खेतिबाट यो बर्ष २० लाख रुपैयाँ खुद आम्दानी गर्ने योजना बुन्दै छन् , – ‘लागत जति लागिसक्यो , अब खासै लगानी छैन र यहीँ हिसाबले उत्पादनमा कुनै कमि नआए करिब २० लाख जति नाफा हुन्छ कि ‘ खड्काले बताए ।

 

 

जानकी गाउँपालिकामा साढे सात बिगाहा क्षेत्रफलमा टमाटर खेती गर्दै आएका खड्काले गाई फर्म र गड्यौला मलको लागी पनि काम गर्दै आएका छन् । सुरुवातमा च्याउ खेतीबाट ब्यवसायिक कृषिमा होमियका खड्कालाई धेरैले अझैपनी च्याउ खेती गर्ने भनेर नै चिन्ने गर्छन् । च्याउ खेती गर्दा च्याउ रेस्टुरेन्ट बनाउने योजना मनमा बुन्दै गरेका खड्का अहिले भने ‘भेजिटेबल पार्क’ बनाउन कस्सिएका छन् ।

 

 

‘मलाई च्याउ खेती गर्ने भनेर नै चिन्दछन , च्याउ रेस्टुरेन्ट बनाउछु भन्ने सोच थियो । तर त्यसमा अलि बढी लगानी हुने भएकाले मेरो सन्दर्भमा अलि उपयोगि भएन तर भेजिटेबल पार्कमा लगानी कम छ र सहज पनि रहेको छ । जसले गर्दा हाल तरकारी पार्कको लागि योजना बुन्दै छु । सम्भवत २०७७ को अन्तिम सम्ममा भेजिटेबल पार्कको रुपमा परिणत गर्ने सोच रहेको छ ‘ खड्काले आफ्ना योजनाहरु सुनाउँदै बताए ।

 

 

२०७७ भित्रमा तरकारी पार्क तयार गरिसक्ने अनि सुन्दर तरिकाले तरकारी फलाउने योजना बुन्दै कृषि कर्ममा लागेका खड्काले मल्टी लेयर फार्मिङ अर्थात बहु तह खेती गर्न समेत सुरु गरेका छन् ।

 

 

 

‘मल्टी लेयर फार्मिङ भनेको कम जमिनमा धेरै खेती गर्दै उत्पादन गर्ने र अनेक प्रकारका खेती गर्ने योजनालाई नै मल्टी लेयर खेती भनिन्छ। अहिले टमाटर उत्पादन हुँदै छ टमाटर उत्पादन हुँदै गर्दा , घिरौला लगाउँदै छौ । टमाटर पनि उत्पादन हुँदै गर्छ भने उता घिरौला पनि’ – खड्काले भने ।

 

 

वैदेशिक रोजगारमा टिकेको नेपाली अर्थतन्त्र र वैदेशिक रोजगार मात्रै एक विकल्प देख्ने युवाका लागी उनी एक उदाहरण हुन् । ब्यवसायिक रुपमा कृषि कर्ममा लाग्न सके जापान र अमेरिकालाई पनि जित्ने कुरा बताउछन् खड्का ।

 

 

नयाँ युवाहरूलाई ब्यवसायिक कृषिमा लाग्न प्रेरित गर्ने खड्काले कृषि कर्ममा आउने नयाँ युवालाई गाइड्लाइन दिन र आफ्नो अनुभवले सिकाएको कृषिका कुरा सदैब सिकाउन तयार रहेको समेत बताउछन् ।

READ MORE NEWS


Your Views
Related News