काठमाडौं । सरकारले चाडपर्वलाई लक्षित गर्दै सञ्चालनमा ल्याएका पसलहरुमा क्यूआर कोड प्रयोग गरिने भएको छ । कोभिड १९ को जोखिमलाई कम गर्न सहयोग पुर्‍याउने उद्देश्यका साथ सरकारले क्यूआर भुक्तानीमा जोड दिएको हो ।

वाणीज्य, आपूर्ति तथा उपभोक्ता संरक्षण विभागका महानिर्देशक नेत्रप्रसाद सुवेदीले अनलाइन अर्डर तथा डेलिभरी र बिक्री स्थलमा क्यूआर कोड प्रयोग गरिने बताएका छन् ।

सुवेदीले ट्वीट गर्दै भनेका छन्, ‘आउँदै गरेको चाडपर्व लक्षित गरी सञ्चालन गरिएका सहुलियत पसलमा समेत यी विकल्पको प्रयोगलाई विस्तार गर्ने तयारी भइरहेको छ । सुरक्षित सेवा लिन आग्रह समेत गर्दछौं ।’

सरकारले दशैं, तिहार र छठ पर्व लक्षित गरी सञ्चालनमा ल्याउने ‘सहुलियत पसल’ यसवर्ष अनलाइनबाट पनि उपलब्ध हुनेछ । खाद्य व्यवस्था तथा व्यापार कम्पनी लिमिटेड र साल्ट ट्रेडिङ कर्पोरेसन लिमिटेडका देशभर रहेका कार्यालय, डिपो, डिलरका साथै घुम्ती सेवा पसल एवम् अनलाइन मार्फत उपभोक्ताले सहुलियत रुपमा सामान खरिद गर्न सक्नेछन् ।

दशैको बजार महंगो हुने भएकाले सरकाले लामो समयदेखि सहुलियत पसल सञ्चालनमा ल्याउने गरेको छ । उक्त पसलमा उपभोक्ताले सहुलियत मूल्यमा दैनिक उपभोग्य खाद्य वस्तुहरु चामल, चिनी, नून, सिमी (गेडा), दाल, खसी र च्याङ्ग्रा लगायतका सामान उपलब्ध हुनेछ ।

उक्त सामान अनलाइनबाटै पनि खरिद गर्न सकिने उद्योग, वाणिज्य तथा आपुर्ति मन्त्रालयले जनाएको छ । मन्त्रालयका अनुसार उपत्यकाका कालीमाटी, कोटेश्वर, टेकु, सिंहदरबार, सतुङंगल, ललितपुर, थापाथली, नख्खु, प्रयागपोखरी जावलाखेल, भक्तपुरका साथै घुम्ती सेवा सहित ४९ स्थानबाट यो सेवा उपलब्ध हुनेछ ।

अनलाइनबाट गरिएको सामानको हाेम डेलिभरी पनि उपलब्ध हुनेछ । दुग्ध विकास संस्थानका केन्द्रहरू लैनचौर, न्यूरोड, खुमलटारका साथै तोकिएका अन्य स्थानबाट असोज १५ गते देखि छठ पर्वको भोलिपल्टसम्म सामान खरिद गर्न सकिने उल्लेख गरिएको छ ।

READ MORE NEWS

कांग्रेसको आरोप : विष्णु पौडेलले अर्थमन्त्री पदसँग राजधानी साटे

१६ असोज, बुटवल । प्रदेश ५ सरकारले स्थायी राजधानी दाङमा राख्ने प्रस्ताव शुक्रबारको संसद वैठकमा पेश गरेको विरोधमा प्रमुख प्रतिपक्षी नेपाली कांग्रेसले आन्दोलन सुरु गरेको छ ।

उक्त प्रस्ताव प्रदेशसभामा टेबल भएलगत्तै कांग्रेसका कार्यकर्ताहरुले बुटवल, मणिग्राम र सैनामैनामा सडकमा उत्रिएर विरोध जनाएका छन् । पार्टीका भातृ संगठनहरु तरुण दल र नेपाल विद्यार्थी संघका कार्यकर्ताले सडकमा टायर बालेर विरोध प्रदर्शन गरेका छन् ।

पार्टीका जिल्ला सभापति अब्दुल रज्जाकले शुक्रबार विज्ञप्ति जारी गर्दै कठोर आन्दोलनमा उत्रिएको उल्लेख गरेका छन् । तत्कालीन शेरबहादुर देउवा नेतृत्वको सरकारले रुपन्देहीलाई अस्थायी राजधानी तोकेको भन्दै स्थायी राजधानी सार्न नदिन सडक र सदन तताउने उनले बताएका छन् ।

विज्ञप्तिमा नेकपाका केही नेताको स्वार्थमा रुपन्देहीवाट राजधानी सार्ने प्रयासको विरुद्ध पार्टीका आम कार्यकर्तादेखि रुपन्देही तथा छिमेकी जिल्लाका सर्वसाधारणहरुलाई आन्दोलनमा सहभागी हुन अपिल गरिएको छ । वहुसंख्यक जनताको केन्द्र, पूर्वाधारका हिसाबले उपयुक्त रुपन्देहीबाट राजधानी सारेर दाङ लैजाने नेकपा सरकारको निर्णय प्रति कठोर आन्दोलन शुरु भएको कांग्रेसले जनाएको छ ।

प्रदेश राजधानी दाङ सार्ने नेकपाका अध्यक्षद्वय केपी शर्मा ओली र पुष्पकमल दाहालबीच भएको सहमतिको पृष्ठभूमिमा पार्टीका महासचिव विष्णु पौडेलले अर्थमन्त्री पद पाउने सहमति भएको कांग्रेसको दावी छ ।

‘विष्णु पौडेलजीले अर्थमन्त्री पदसंग राजधानी साटेर गद्दारी गर्नुभएको छ’–कांग्रेस रुपन्देहीका सचिव रामकृष्ण खांणले अनलाइनखबरसंग भने–‘अर्थमन्त्री पाउने भएपछि उहाँको बोली बन्द भएको छ ।’ विष्णु पौडेल रुपन्देहीबाट निर्वाचित सांसद हुन् ।

प्रदेशसभामा पनि विरोध

प्रदेश सभाको बैठकमा सरकारले स्थायी राजधानी दाङ सार्ने प्रस्ताव पेश गरेलगत्तै प्रमुख प्रतिपक्षी दल कांग्रेसले आपत्ति जनाएको छ ।

सरकारको तर्फबाट आन्तरिक मामिला तथा कानुनमन्त्री कुलप्रसाद केसीले प्रस्ताव पेश गरेपछि प्रतिपक्षी दल कांग्रेस र जनता समाजवादी पार्टीका सांसदहरु उठेर विरोध जनाएका हुन् ।

प्रदेशसभामा कांग्रेस सांसदहरुले कार्यसूची भन्दा बाहिरबाट छापामार शैलीमा छलफल विनै राजधानीको प्रस्ताव आउनु आपत्तिजनक भएको बताएका थिए ।

कांग्रेस सांसदहरु बैजनाथ कलवार, रमा अर्याल र फखरुद्दिन खानले कार्यसूचीको बारेमा जानकारी नदिई एकाएक प्रस्ताव आउनु आपत्तिजनक भएको भन्दै विरोध जनाएका थिए । उनीहरुले सर्वसत्तावाद लादेर यो प्रस्ताव ल्याइएको आरोप लगाएका छन् ।


Your Views
Related News