दार्चुला : जिल्लाको व्यास गाउँपालिका-२ स्थित घाँटीबगर गोरेटो बाटोको निर्माण कार्य सकिएको छ। उक्त गोरेटो बाटोको सोमबार सुदूरपश्चिम प्रदेशका मुख्यमन्त्री त्रिलोचन भट्टले उद्घाटन गरेका छन्। उक्त बाटो उद्घाटनका लागी मुख्यमन्त्री भटट, सुदूरपश्चिम प्रदेशका मुख्य सचिव रामकृष्ण सुवेदी, सेनाका पृतिना पति निर्मल कुमार थापा, सैनिक प्रवक्ता सन्तोष बल्लभ पौडेललगायतको उपस्थितिमा बाटोको उद्घाटन गरेको हो।

घाँटीबगर इलाकामा करिब दुई मिटर चौडाइको ४५० मिटर गोरेटो बाटो नेपाली सेनाद्वारा निर्माण गरिएको हो। नेपाल सरकारको मन्त्रिपरिषदको वैशाख १४ को निर्णयअनुसार महाकाली करिडोर (दार्चुला–तिंकर सड्क योजना) अन्तर्गत उत्तरतर्फ रहेको ८७ किलोमिटर सडकखण्ड नेपाली सेनामार्फत् निर्माण गराउने निर्णय गरेको थियो। उक्त खण्डको बाटो सम्पन्न भएपछि नेपालीहरुले दार्चुलाको सदरमुकामबाट माथिल्लो क्षेत्रमा जानको लागि भारतीय बाटो प्रयोग गर्नुपर्ने बाध्यताको अन्त्य भएको छ।

बाटो निर्माणमा १ करोड भन्दा बढी खर्च 
घोरेटो बाटो निर्माण गर्न एक करोड ८ लाख खर्च भएको छ। घाँटीबगर क्षेत्र दार्चुला सदरमुकाम खलङ्गाबाट करिब ६० किलोमिटर उत्तरमा पर्छ। सेनाका सुदूरपश्चिम पृतनापति निर्मलकुमार थापाले सुदूरपश्चिम प्रदेशका मुख्यमन्त्री त्रिलोचन भट्टलाई सोमबार उक्त बाटो हस्तान्तरण गरेका छन्। उक्त बाटो निर्माणको क्रममा एक जना कामदारको मृत्यु भएको थियो।

चार महिनामा निर्माण कार्य सम्पन्न
शौका समुदायलाई गाउँ फर्किन कठिनाई भएपछि सरकारले सो क्षेत्रमा बाटो बनाउने जिम्मेवारी नेपाली सेनालाई जेठ दोस्रो साता सुम्पेको थियो। तीन महिनाभित्र सम्पन्न गर्ने लक्ष्यका साथ शुरु गरिएको उक्त बाटो निर्माणको काम वर्षातका कारण केही समय प्रभावित भएको थियो।

चार महिनासम्म सेनाका ६५ तथा स्थानीय करिब ४० जनाको जनशक्ति दैनिक रुपमा परिचालन गरिएको थियो। छाङरु गाउँका ९० परिवार तथा तिङ्कर गाउँमा बसोबास गर्ने करीब ६० परिवारलाई बसाइँ सर्न समस्या हुँदै आएको थियो। नेपाली सेनाले पहरो फोडेर बाटो बनाएपछि अब शौका समुदायलाई आफ्नै नेपाली भूमि भएर गाउँ फर्कन सहज भएको व्यास गाउँपालिकाका अध्यक्ष दिलीप बुढाथोकीले बताए।

सेनाले बाटो निर्माण गरेका कारण अब भारतीय बाटो हिँड्ने बाध्यता हटेको स्थानीय नागेन्द्र तिङकरीले बताए। उनले भने ‘घोडेटो बाटो मात्र होइन अब चाँडै छाङरु र तिङ्कर जोड्ने महाकाली करिडोरको सडक पनि सेनाले निर्माण गर्ने भएकाले बस चढेर गाँउ आवतजावत गर्न पाइनेमा तिङकरबासी आशावादी छन्।

बाटो निर्माण भएसँगै सुरक्षाकर्मीलाई पनि उक्त क्षेत्रमा आवतजावत गर्न सहज भएको छ। अहिले व्यासको छाङरुमा सशस्त्र प्रहरीको गुल्मसमेत राखिएको छ।

READ MORE NEWS

संग्रौलाको अनुवाद पुस्तक ‘सत्ता र सत्य’ बजारमा

काठमाडौँ — लेखक एवम् साहित्यकार खगेन्द्र संग्रौलाको पछिल्लो पुस्तक ‘सत्ता र सत्य’ बजारमा आएको छ । सामाजिक संजालबाट लेखकीय अभिव्यक्ति दिँदै पुस्तकको लोकार्पण गरिएको प्रकाशन संस्था बुक हिलले जनाएको छ ।

अमेरिकी लेखक मेरी डेशनले छनोट गरेका विश्वविख्यात आठ चिन्तकहरुका एघार दार्शनिक निबन्धहरुलाई संग्रौलाले अनुवाद गरेका हुन् । विलियम मोरिस, आन्टोनियो ग्राम्स्की, अल्बर्ट आइन्सटाइन, बर्टोल्ट ब्रेख्त, विलियम हिन्टन, इडुआर्दो ग्यालिआनो, हवार्ड जीन, एडवर्ड डब्लु सइदका प्रसिद्ध विचारप्रधान निबन्धहरु पुस्तकमा संग्रहण गरिएका छन् ।

बुक हिलले जारी गरेको प्रेस विज्ञप्तिमा भनिएको छ, ‘१५ वर्षको समय लगाएर अनुवाद गरिएका निबन्धहरुको यस पुस्तकले लोक कल्याणकारी सत्यको पक्षमा उभिएर सत्तासँग विमर्श गर्छ, सत्तासँग प्रतिवाद गर्छ, सत्ताको प्रतिरोध गर्छ, नयाँ जीवन प्रणालीको परिकल्पना गर्छ ।’

पुस्तकबारे अनुवादक संग्रौलाले भनेका छन्, ‘यो पुस्तक आजको विश्व पुँजीवादको आलोचना हो र विश्व पुँजीवाद न मानवजातिका लागि कल्याणकारी भयो, न प्रकृतिका लागि कल्याणकारी भयो, न मानिस र प्रकृतिको सम्बन्धलाई सन्तुलितरूपमा यसले कायम राख्न सक्यो । त्यसैले यो पुस्तकले विश्व व्यवस्थाको विकल्पको परिकल्पना गर्छ । यद्यपि सबै विद्वानरुले समाजवादको मुखररुपमा वकालत नगरे पनि तर प्रकारान्तरले अबको विश्व जाने भनेको समाजवादमा हो । र, त्यो समाजवाद भनेको मानवीय अनुहारसहितको समाजवाद हो ।’

नेपालको सन्दर्भमा यो पुस्तक किन पढिने भन्नेबारे संग्रौला भन्छन्, ‘नेपालको अहिलेको सबैभन्दा ठूलो समस्या भनेको विचारको रिक्तता हो । विचारको टाट पल्टाई हो । कांग्रेस कांग्रेसजस्तो छैन, कम्युनिस्ट कम्युनिस्टजस्तो छैन । कांग्रेस र कम्युनिस्टले आफ्नो परम्परागत आदर्श र लोगोलाई व्यवसायको रुपमा व्यापार मात्रै गरेका छन् । त्यसैले सत्ताधारीलाई दिशाहिनताबाट सत्मार्गमा लैजान यो पुस्तकले डोर्‍याउने मेरो विश्वास छ ।’


Your Views
Related News