काठमाडौँ– कोरोना संक्रमितको संख्या दिनदिनै बढ्न थालेपछि सरकारले सार्वजनिक यातायातको अनुगमनमा कडाइ गर्ने भएको छ ।

करिब ६ महिना लामो बन्दाबन्दीपछि यही असोज १ गतेदेखि लामो, मध्यम र छोटो दूरीका सार्वजनिक सवारी साधन सञ्चालन भएका थिए ।

गत भदौ २९ गते बसेको मन्त्रिपरिषदको निर्णयअनुसार भदौ ३१ गते भौतिक पूर्वाधार तथा यातायात मन्त्रालयले ‘कोभिड–१९ अवधिभर सार्वजनिक यातायात सञ्चालन निर्देशिका, २०७७’ ल्याएको थियो ।

उक्त निर्देशिकाअनुसार सार्वजनिक यातायात सञ्चालन तथा यात्रु व्यवस्थापन निर्देशिका बमोजिम भए नभएको, स्वास्थ्य सुरक्षा मापदण्डको कडाइका साथ पालना भए नभएको अनुगमन गर्ने जिम्मेवारी यातायात व्यवस्था विभाग र ट्राफिक प्रहरीलाई दिइएको छ ।

सार्वजनिक यातायातमा निर्देशिका पालना नभएको भन्ने गुनासो बढेपछि यातायात व्यवस्था विभागले संघीय मामिला तथा सामान्य प्रशासन मन्त्रालयलाई पत्र लेख्दै स्थानीय तहसम्म अनुगमनको निर्देशनका लागि आग्रह गरेको छ ।

एकातिर दैनिकजसो कोरोना संक्रमितको संख्या बढेको छ भने अर्कोतिर चाडपर्व नजिकिँदै गर्दा राजधानीबाट बाहिरिने र भित्रिनेको संख्या पनि बढेको छ । यस्तो जोखिमका बेला निर्देशिका थप कडाइका साथ पालना गराउन ५५३ वटै स्थानीय तहलाई आग्रहका लागि पत्र लेखेको विभागका सूचना अधिकारी लोकनाथ भुसालले खबरहबलाई जानकारी दिए ।

‘सरकारले जारी गरेको निर्देशिका कडाइका साथ प्रभावकारी बनाउन पत्र पठाइएको हो’ भुसालले भने, ‘केन्द्रबाट मात्र नभई प्रदेश र स्थानीय तहबाट पनि सार्वजनिक सवारीको अनुगमन गर्नुपर्छ ।’

उनका अनुसार उक्त पत्रमा यातायात सेवामा कार्यरत कर्मचारी, सवारी चालक र सहचालकले निर्देशिका पालना गरे/नगरेको र सार्वजनिक यातायातमा सवार यात्रुहरूले पालना गरे/नगरेको विषयमा अनुगमन समिति गठन गरी व्यवस्थित बनाउन सबै स्थानीय तहहरूलाई परिपत्र गरिदिन अनुरोध गरिएको छ ।

संघीय मामिला तथा सामान्य प्रशासन मन्त्रालयले सबै स्थानीय तहलाई एकसाथ परिपत्र गरी असोज १८ गते नै निर्देशन दिइसकेको जनाएको छ ।

यस्तो व्यवस्था छ निर्देशिकामा

 

‘कोभिड १९ अवधिभर सार्वजनिक यातायात सञ्चालन निर्देशिका, २०७७’ अनुसार यातायात सेवामा कार्यरत सवारी चालक र सहचालकले यात्रु चढ्ने स्थान, पुग्ने स्थान र खाना खाने स्थानबाहेक अन्यत्र कहीँ पनि सवारी साधन रोक्न तथा यात्रु चढाउन र ओराल्न पाउने छैन ।

चालक र सहचालकले अनिवार्य मास्क, भाइजर र पञ्जा लगाउनुपर्छ । स्यानिटाइजर प्रयोग गर्नुपर्छ । सार्वजनिक यातायातमा सामाजिक दूरी कायम भएको हुनुपर्छ ।

यातायात पूरा भएपछि आफूले प्रयोग गरेका सबै कपडा साबु पानीले राम्ररी धोएर घाममा सुकाउनुपर्छ । यात्रुसँग भौतिक दूरी कायम गरी रकम फिर्ता गर्न नपर्ने गरी भाडा संकलन गर्नुपर्छ वा बाकसमा हाल्न यात्रुलाई आग्रह गर्नुपर्छ ।
एकपटकको सेवा सकिएपछि सवारीसाधन निःसंक्रमीकरण गर्नुपर्छ ।

यात्रुहरूले पनि कोभिड–१९ संक्रमण हुन सक्ने माध्यम, जोखिम र जोखिम न्युनीकरणका उपाय सम्बन्धी जानकारी लिनु र सावधानी अपनाउनुपर्छ । अति आवाश्यक कामका लागि र पैदल यात्रा सम्भव नभएका स्थान लागि मात्र सार्वजनिक यातायात प्रयोग गर्नुपर्छ ।

अशक्त वा शारीरिक अवस्था कमजोर भएकाहरूले सकेसम्म सार्वजनिक यातायात प्रयोग गर्नु हुँदैन । यात्रुहरूले अनिवार्य मास्क लगाउनुपर्छ वा कपडाले नाकमुख छोप्नुपर्छ ।

सार्वजनिक यातायात प्रयोग गर्दा वा सार्वजनिक स्थलमा रहँदा कुनै पनि किसिमको खाने कुरा खानु हुँदैन । सवारी साधनभित्र सामाजिक दूरी कायम हुने गरी तोकिएको सिटमा मात्र बस्नुपर्छ र अरूलाई पनि सतर्क तुल्याउनुपर्छ ।

READ MORE NEWS

बझाङ कालङ्गा हाईड्रोपावर ९२ प्रतिशत काम सम्पन्न

सुदुरपश्चिम प्रदेशको एक मात्र पहिलो नीजि लगानीमा संञ्चालन हुन लागेको सबै भन्दा ठुलो कालङ्गा हाईडोपावरको काम अन्तिम चरणमा पुगेको छ ।
नीजि लगानीबाट सञ्चालित कालङ्गा हाईडोपावरको सम्पूर्ण काम पुस महिनामा भित्र पुरा भई फागुन महिना भित्र बिद्युत आपुर्ती हुने कम्पनीको दाबी रहेको छ । अहिले हाईडोपावरको काम ९२ प्रतिशत सम्पन्न भएको छ ।
बुंगल नगरपालिका–५ पाउँटामा संञ्चालन गरिएको कालङ्गा हाईडोपावरको काम तीब्र रुपमा अगाडि बढि रहेको छ । तीन बर्ष भित्र काम पुरा गरी बिद्युत बितरण गर्ने लक्षण लिएर २०७३ चैत ८ गते बाट हाईड्रोपावरको काम सुरु गरेको भए पनि बिश्वर भर फैलिएको कोरोना भाइरस कोभिड १९ का कारण देशमा लकडाउन भए संगै स्थानीयको अवरोधका कारण लक्ष्य भन्दा चार महिना ढिलो सम्पन हुन लागेको संञ्चालक समितिका पदाअधिकारीको भनाई रहेको छ ।
दुर्गमका अध्यारा गाउँमा उज्यालो बनाउदै बालबालिका र महिलासंगै मानव जीवनको जीवन शैलीमा परिर्वतन ल्याउन सफल हुने लगागीकर्ता तथा संञ्चालक शिब घिमिरेको भनाई छ ।
उहांले भन्नुभयो– हामी बुगल क्षेत्रमा मात्र ६५ मेगाावाट बिद्युत उत्पादन गर्दै छौं । कालङ्गा हाईड्रोपावरको क्षमता १५ .३३ मेघावाट हो सबै भन्दा अप्ठ्यारो काम सुरुङ्गमार्ग भए पनि साढे ३ किलो मिटर सुरुङ्ग मार्गको काम पुरा भई नहर पावर हाउसको घर र बाँध समेत पुरा भएको छ । हामी यो लगायत अन्य ३ योजना पनि बनाई रहेका छौ ।
सुदुरपश्चिका ९ जिल्ला र कर्णाली प्रदेशमा समेत ६५ मेगावाट बिद्युत उत्पाद गरी वितरण गरेर बिकास निमार्णमा टेवा पु¥याउने लक्ष्य रहेको संञ्चालक समिति सदस्य तीर्थराज चटौतले बताउनुभयो ।
उहांले भन्नुभयोे काम गर्न निकै गाह्रो छ , कहिले बाढी, झरी ,हिमपात कहिले स्थानीयले हाईड्रोपावर सम्वन्धी कुरा नबुझेको कारण अबरोध गर्दा बिभिन्न समस्या झेल्नु परेको छ । कम्पनीमा काम गर्ने दक्ष अर्धदक्ष र प्राबिधिक गरि जिल्ला बाहिर र भित्रका अहिले ५ सय जना भन्दा बढिले काम गरी रहेको छ ।
नीजि लगानी बाट संञ्चालित कालङ्गा हाईड्रोपावरको कुल लगात २ सय ८० करोड रहेको छ । त्यस मध्ये २५ प्रतिशत ब्यतिm र अन्य ७५ प्रतिशत माच्छापुच्छे बैक , एनएनबी बैक, सिभिल बैक लगायतको लगानी रहेको छ । पानी खेर गएको छ अध्यारो हटाई उज्याले ल्याउन हाम्रो यो प्रयास भएको समितिको भनाई रहेको छ ।

READ MORE NEWS

एभर्टनमा उत्कृष्ट बनेका रोर्डिग्वज

एजेन्सी । कोलम्बियन स्टार खेलाडी हामेस रोर्डिग्वज पछिल्लो समय पुनः फुटबलमा चर्चामा आउन सफल भएका छन् ।

सन् २००६ बाट क्लब फुटबल सुरु गरेका उनी इन्भिगाडोका लागि पहिलोपटक सिनियर फुटबल खेलेका थिए ।
त्यसपछि उनले लामो समय स्पेनिस क्लब रियल मड्रिडमा बिताएका उनी क्लबका लागि सुरुवाती दुई सिजनमा उत्कृष्ट प्रदर्शन गरिरहेका थिए । २०१६ को सिजन केही फर्म खस्कँदा रियलले उनलाई जर्मन क्लब वायर्न म्युनिखमा लोनमा पठायो ।

रोर्डिग्वज सन् २०१७ मा जर्मन क्लबमा लोनमा अनुबन्ध भए । उनले वायर्नका लागि ४३ लिग खेल खेल्दै १४ गोल गर्न सफल भए । रोर्डिग्वजले रियलका लागि भने ८५ खेल खेल्दै २९ गोल गरेका थिए । पछिल्लो सिजन उनी प्रिमियर लिग एभर्टनमा अनुबन्ध छन् । उनले प्रिमियर लिगको पहिलो खेलमा नै आफ्नो प्रभाव जमाउन सफल भए ।

एभर्टनका लागि उनले चार खेल खेल्दै तीन गोल गरेका थिए । रियलले उनलाई क्लबमा उत्कृष्ट प्रदर्शन गर्न नसकेको भन्दै एभर्टनलाई बेचेको थियो । उनले पछिल्लो समय एभर्टनका लागि उत्कृष्ट प्रदर्शन गरिरहँदा रियलका मुख्य प्रशिक्षक जिदानको आलोचना हुने गरेको छ ।


Your Views
Related News