काठमाडौं ।

६ महिना अगाडि कोरोना भाइरसको प्रभावका कारण लकडाउन भएपछि होटल तथा रेष्टुरेन्ट बन्द हुँदा काठमाडौं उपत्यकामा तरकारीको मूल्यमा गिरावट भएको थियो । तर यो गिरावट धेरै समय टिक्न भने सकेन । लकडाउन भएको दुई महिना पश्चात निरन्तर रुपमा तरकारीको मूल्य बढ्न थालेको छ । यसरी निरन्तर मूल्य बढ्दै गएकाले तरकारीको मूल्य यो वर्ष उच्च बिन्दुमा पुगेकाे छ ।

विगत दुई महिनादेखि तरकारी बजारमा अधिकांश तरकारीको मूल्य प्रतिकिलो सय रुपैयाँमाथि पुगेको छ । यसरी तरकारीको मूल्यबृद्धि भएपछि कोरोना महामारीको चपेटामा परेर रोजगारी समेत गुमाएर बसेका आम सर्वसाधारणहरु महंगीको मारमा परेका छन् । सर्वसाधारणको भान्सामा धेरै खपत हुने तरकारीको मूल्य एक्कासी आकाशिदा पनि सरकारले भने मूल्य नियन्त्रण गर्न सकेको छैन ।

लकडाउनको अवधिमा बजार नपाएर उत्पादन गरेको तरकारी किसानले नष्ट गर्नु परेको थियो । तर पछिल्लो समय लकडाउन खुकुलो तथा अन्त्य भएसँगै तरकारीको मूल्य उच्च हुँदै गएको छ । अहिले अधिकांश तरकारीको मूल्य सय रुपैयाँ भन्दामाथि पूगेको छ । कालीमाटी फलफूल तथा तरकारी बजार विकास समितिका अनुसार दैनिक ४ सय २५ देखि ४ सय ५० टन तरकारी उपत्यका भित्रिने गरेको छ । तर पछिल्लो समय आयात पनि घट्दै गएको समितिले जनाएको छ । कतिपय तरकारी उत्पादनको सिजन भएतापनि सिजनको अवधिमा पनि मूल्य बढीरहेको छ । यी हुन सय रुपैंयाँभन्दा बढी मूल्य भएका तरकारीहरु :


Your Views
Related News