काठमाडाैं, २४ असोज ।  कोरोना संक्रमणको कारण ठप्प रहेको भृकुटीमण्डपको बजार क्षेत्रमा चाडपर्व नजिकिएसँगै चहलपहल बढ्न थालेको छ । भृकुटीमण्डप क्षेत्रमा मानिसहरुको चहलपहल बढ्न थालेपछि व्यापार पनि बढ्ने भन्दै त्यहाँका व्यापारीहरु खुसी भएका छन् ।

कोरोनाको कारण लामो समयसम्म व्यापार व्यवसाय ठप्प हुदा गुजाँरा चलाउन समेत मुस्किल अवस्थामा पुगिसकेका उनीहरु पुनः व्यापार व्यवसाय बढ्न थालेपछि खुसी भएका हुन् । दशैंलाई लक्षित गर्दै स्वास्थ्य सुरक्षाका मापदण्ड पालना गर्दै र गराउँदै बजार तथा पसल संचालन गरेको काठमाडौं निम्न व्यापारी संघका सहअध्यक्ष चिन्तामणि प्रसाईले बताए ।
कोरोना संक्रमणलाई मध्यनजर गर्दै सो क्षेत्रमा आउने ग्राहकहरुलाई मास्कको प्रयोग तथा बजार क्षेत्रमा प्रवेस गर्नुअघि स्यानिटाइजरको प्रयोग गर्न लगाउने उनले बताए ।  कोरोना संक्रमणको अवस्थालाई मध्यनजर गर्दै दशैंमा किनमेल गर्न आउदा स्वास्थ्य सवाधानी अपनाएर आउन पनि उनले सबै ग्राहकलाई आग्रह गरे ।
READ MORE NEWS

२४ असोज, जनकपुरधाम । खडक नगरपालिका, सप्तरीमा भएको बलात्कार प्रयासको घटना लुकाउन खोजेको भन्दै युवाहरुले राजविराजमा प्रदर्शन गरेका छन् ।

‘बलात्कार प्रयासको घट्नालाई ढाकछोप गर्न पाइँदैन, दोषीलाई कारबाही गर, बलात्कार गर्ने अपराधी जोगाउन पञ्चायती बसाउन पाइँदैन’ जस्ता नारा लेखिएको प्लेकार्ड बोकेर उनीहरुले स्थानीय गजेन्द्र चोकमा प्रदर्शन गरेका हुन् ।

‘बलात्कार प्रयासको घटनामा पीडक पक्षलाई जरिवाना तिराएर जनप्रतिनिधि र नेताले आफैं रकम लिएको र पीडितलाई उल्टै बयान फेर्न दबाब दिएको पाइएपछि हामी चुप लागेर बस्दैनौं’ प्रदर्शनमा सहभागी महिला अधिकारकर्मी सुनिता साहले भनिन्, ‘दोषीलाई कारबाही नगरिएसम्म हामी लगातार आन्दोलन गर्छौं ।’

प्रदर्शनमा सहभागी युवा सुरज यादवले जनप्रतिनिधी र स्थानीय नेताले अपराधीलाई संरक्षण गर्दा बलात्कारका घटना बढेको बताए । उनले बलात्कारीका साथै उनलाई संरक्षण गर्ने व्यक्तिलाई पनि कार्वाही गर्नुपर्ने धारणा राखेका छन् ।

१५ भदौमा खडक नगरपालिका ११ लालपुरकी दुई किशोरीसँग तीन जना युवकले बलात्कारको प्रयास गरेका थिए । पीडित परिवारले यसबारे प्रहरीलाई जानकारी गराएको थियो ।

तर जाहेरी दर्ता नगर्न मेयर हेमायु हक, वडाध्यक्ष रामकृष्ण चौधरी, नेकपा नेता शत्रुद्यन साह ‘आजाद’, जनता समाजवादी पार्टीका परमेश्वर साह, लक्ष्मी मण्डल, राजाराम यादव लगायतले इलाका प्रहरी कार्यालय कल्याणपुरमै पञ्चायती राखेर पीडक पक्षबाट पीडित पक्षलाई रु ५ लाख ५० हजार भराउने निर्णय गरेका थिए ।

पीडक पक्षबाट लिइएको ३ लाख ५ हजार परमेश्वर साह र लक्ष्मी मण्डलको संयुक्त हस्ताक्षरमा सृजना फाइनान्सको बोदे बर्साइन शाखामा खाता खोलिएर राखिएको छ । यो घटन बाहिर आएपछि परमेश्वर र लक्ष्मीले खाताबाट १ लाख ५० हजार झिकेर आफ्नै साथमा राखेका छन् । उनीहरुले रकम देखाएर आर्थिक प्रलोभनमा पार्ने र पीडित परिवारलाई बयान फेर्न दबाब दिने काम गर्दै आएका छन् ।

कोरोना संकट : सरकारले ल्यायो चाडपर्व मनाउने मापदण्ड


Your Views
Related News