विभिन्न कारणले नेपालमा पछिल्लो समय डिप्रेसनको सिकार हुनेको संख्या बढ्दै गएको छ । अझ भन्दा यो संख्या तीव्र रुपमा बढिरहेको छ । व्यस्तता, असफलता, प्रतिस्पर्धा, अव्यवस्थित जीवनशैलीजस्ता कारणले डिप्रेसन भईहेको छ । यो मानसिक समस्या हो । तर, समयमै उपचार गरेमा यो निको हुन्छ । हाम्रो समाजले डिप्रेसनलाई रोग मानी त्यसबाट बच्न उपचार विधि अपनाउनुपर्छ भन्ने कुरालाई अझै सहज रुपमा स्वीकार गरिसकेको छैन । मानिस हरबखत उदास हुनु मानसिक रोग हुन सक्छ । डिप्रेसन भनेको उदासीको अवस्था नै हो।

यो आनुवंशिक रोग भएकले वंशजका आधारमा पनि यस्तो समस्या देखिन सक्छ । साथै, आफू बसिरहेको वातावरण सोचेअनुरूप नहुँदा र मानिस सोचका कारण पनि यस्तो हुन सक्छ । नेपालमा प्रायजसो बेरोजगारी, असफलता, परिवारमा तनाव, प्रेम र प्रतिशोधका कारणले मानिमा डिप्रेसन भइरहेको पाइन्छ । डिप्रेसन भएको कसरी थाहा पाउने त ?

लक्षण :

–शक्तिहीन महसुस गर्नु । –खान मन नलाग्नु । –कि बढी सुत्न मन लाग्ने कि त निद्रै नपर्ने हुनु । जतिवेला पनि मनमा छटपटी हुनु र मुटुको चाल बढ्नु । आफूबारे नकारात्मक मात्र सोच्नु । आत्मग्लानि गर्नु, कुनै कुरामा पनि आशा नलाग्नु । –आत्महत्याबारे सोचिरहनु । कम बोल्नु, कोहीचाहिँ आवश्यकभन्दा बढी बोल्नु । –नियमित रूपमा शरीर र टाउको दुख्नु ।

उपचार :

डिप्रेसनको समस्या भएका अधिकांश मानिस र परिवारका सदस्य यसलाई लुकाउने कोसिस गर्छन् । अधिकांशलाई डिप्रेसनको उपचार हुन्छ भन्ने थाहा पनि हुँदैन । थाहा भएकाहरु डिप्रेसनलाई रोगभन्दा पनि सामान्य समस्याका रुपमा लिन्छन् । फेरि डिप्रेसन भयो भन्ने कुरालाई ‘पागलपन’सँग जोडेर हेर्ने गरिन्छ । जसले गर्दा सकेसम्म यो समस्या परिवारभन्दा बाहिर नजाओस् भन्ने चाहन्छन् मानिसहरू । डिप्रेसनको उपचार अन्य रोगको उपचारजस्तो सहज हुँदैन । डिप्रेसनको उपचार दुई तरिकाबाट गरिन्छ । एउटा विशेषज्ञ परामर्शबाट र अर्को औषधिको प्रयोगबाट ।

रोकथामका उपाय

– शारीरिक रुपमा सक्रिय रहने ।

– रमाइला कामका लागि समय निकाल्ने ।

– आफ्ना सहयोगीहररूमाझ समय बिताउने ।

– योग र ध्यान गर्ने ।

– अत्यन्त महत्वाकांक्षी नहुने ।

– सन्तुलित एवं पोषणयुक्त खानेकुरा खाने ।

– धूमपान र मध्यपानको लतमा नपर्ने ।

– उदासीपनका कुनै लक्षण देखा परे विशेषज्ञ चिकित्सकको परामर्श लिने ।

READ MORE NEWS

जहाँ बसोवास गर्न एपेन्डिसाइटिसको शल्यक्रिया गराउनैपर्छ
facebook sharing button
twitter sharing button
एजेन्सी– दुनियाँमा कुनै पनि स्थानमा बस्नका लागि केही सर्तहरू अनिवार्य हुन्छन् । केही कानुनी सर्त हुन्छन् त केही सामाजिक । एक व्यक्तिलाई अर्को देशमा बस्नका लागि पासपोर्ट अनिवार्य सर्त हुन्छ ।

ल्याटिन अन्टार्कटिकामा यस्तो एउटा बस्ती छ जहाँ लामो समयसम्म बसोवास गर्नका लागि एपेन्डिसाइटिसको शल्यक्रिया गराउन अनिवार्य सर्त रहेको छ । अन्टार्कटिका सबैभन्दा चिसो महादेश हो । मानिसहरू यस क्षेत्रमा छोटो समयसम्म मात्र बस्ने गर्छन् । तर पनि यस ठाउँमा मानिसका बस्तीहरू रहेका छन् । जसमा एक बस्ती छ, विलास लस एस्ट्रेलास ।

यो ठाउँमा कि अनुसन्धानका लागि वैज्ञानिकहरू बस्ने गर्छन कि त चिलीका वायुसेना वा जलसेनाका जवानहरू । धेरै सैनिक यहाँ आउने–जाने गरिरहन्छन् । र पनि यहाँ वैज्ञानिक तथा सैनिकहरू आफ्नो परिवारको साथ लामो समयसम्म रहन्छन् । उनीहरू विलास लस एस्ट्रेलासका बस्तीमा मुस्किलले सयजना जति मानिस बसोबास गर्छन् । यहाँ विकसित गाउँ वा सहरको जस्तो सुविधा छैन ।

तर, आवश्यकताका लागि जनरल स्टोर, बैंक, स्कुल, ससाना पोस्ट अफिस तथा अस्पताल रहेका छन् । स्कुलमा बच्चाका लागि आधारभूत शिक्षा उपलब्ध भए पनि अस्पतालमा सामान्य उपचार मात्र हुन्छ । अन्टार्कटिकामा रहेको एक ठूलो अस्पताल एस्ट्रेलस गाउँबाट एक हजार किलोमिटर टाढा रहेको छ । यहाँको बाटोभरि हिउँका अग्लाअग्ला पहाडहरू छन्, जसले गर्दा उक्त अस्पतालसम्म पुग्न सहज छैन । अस्पतालमा पनि विशेषज्ञ चिकित्सक छैनन् । यस कारण जस्तोसुकै आकस्मिक घटना, दुर्घटनाबाट बच्नक लागि एपेन्डिसाइटिसको शल्यक्रिया गराउनु आवश्यक छ ।

यहाँका मानिसको जिन्दगी जति अद्भूत छ, त्योभन्दा बढी अद्भूत यो बस्ती रहेको छ । फरक–फरक दिशा देखाउने निशाना हेरेरै अनुमान लगाउन सकिन्छ कि यो ठाउँ ठूलो बस्तीबाट कति धेरै टाढा रहेको छ । अमेरिकाको विशाल हवाईजहाज कम्पनी लक हिड मार्टिनले बनाएको मालवाहक विमान सी–१३० हक्र्युलिसबाट आवश्यक परेका सामानहरू ल्याउने गरिन्छ । त्यही वरिपरि ४डब्लुडी ट्रक वा र्याफ्टिङ बोटको प्रयोग गरिन्छ । यस क्षेत्रको औसत तापक्रम वर्षभरि माइनस २.३ सेल्सियस रहन्छ जुन अन्टार्कटिकाको केन्द्रीय तापक्रमभन्दा बढी हो । सर्जियो क्युबिलस चिलीको एयसफोर्स बेसका कमान्डर हुन् । उनी करिब दुई वर्ष यस ठाउँमा परिवारका साथ बसे । उनका परिवारका सदस्य चिली फर्किए पनि उनी यहीँ बसिरहेका छन् ।

उनी भन्छन्, ‘यस ठाउँको मौसममा बस्न निकै चुनौती छ किनकि जाडो महिनामा तापक्रममा माइनस ४७ डिग्री हुन्छ । अस्पतालमा सेवासुविधा न्युनतम रहेका कारण समस्या उत्पन्न हुन सक्ने भएकाले उक्त बस्तीमा बस्ने सैनिकका श्रीमतीहरूलाई गर्भवती नहुनका लागि सुझावसमेत उनले दिएका छन् । यस ठाउँमा पेन्गुइनलाई मानिसबाट खतरा छैन, तर तापक्रम घटेपछि धेरैको संख्यामा उनीहरू मर्न थाल्छन् । सेनाको बेस क्याम्पबाट टाढा उचाइमा ट्रिनिटी नामको एक रुसी चर्च छ । यसलाई रुसका एक रुढिवादी पादरीले बनाएका थिए । विलास लस एस्ट्रेलस पृथ्वीको एउटा यस्तो भाग हो जहाँ अर्कै ग्रहमा बसेको जस्तो अनुभव हुन्छ । यस ठाउँमा बस्ने मानिसको जिन्दगी अन्य ठाउँको भन्दा कठिन र चुनौतीपूर्ण रहेको छ ।

नेसन्स लिगमा जर्मनीको पहिलो जित

एजेन्सी – युइएफए नेसन्स लिगमा जर्मनीले पहिलो जित दर्ता गरेको छ । तेस्रो चरणको खेलमा युक्रेनलाई उसकै मैदानमा २–१ ले पराजित गर्दै जर्मनीले नेसन्स लिगमा पहिलो जित निकालेको हो ।

जर्मनीले नेसन्स लिगको सुरुवाती दुई खेलमा स्पेन र स्वीट्जरल्यान्डसँग समान १–१ गोलको बराबरी खेलेका थिए । जर्मनीको जितमा म्याथिएस जिन्टर र लियोन गोरेट्जकाले गोल गर्दा युक्रेनका रुस्लान मालिनोभ्स्कीले गोल गरेपनि हार टार्न सकेन ।

जितसँगै लिग ‘ए’ को ४ मा रहेको अपराजित जर्मनीले युक्रेनलाई पछि पार्दै दोस्रो स्थानमा उक्लन सफल भएको छ । जर्मनीको ३ खेलबाट ५ अंक पुगेको छ । समान खेलबाटै युक्रेनको ३ अंक छ । शीर्षस्थानमा रहेको स्पेनको ७ तथा स्वीट्जरल्यान्डको १ अंक छ ।

एनएसके किभमा शनिबार राति भएको खेलमा पाुहना टोली जर्मनीले खेलको २०औं मिनेटमा डिफेन्डर म्याथिएस जिन्टरको गोलबाट खेलमा अग्रता लिएको थियो । योसुवा किम्मिखको क्रसलाई निकलस सुलले फ्लिक गरेको बललाई अर्का डिफेन्डर एन्टेनियो रुडिगरले नियन्त्रण लिदै गरेको क्रसलाई गिन्टरले गोलमा परिणत गरेका थिए ।

त्यसअघि खेलको पाँचौ मिनेटमा सर्ज जिनाब्रीको २० यार्ड टाढाको प्रहारलाई युक्रेनका गोलरक्षक जर्ज बुस्चनले मुस्किलले नियन्त्रणमा लिएका थिए । ३१औं मिनेटमा योसुवा किम्मिखको प्रहारलाई बुस्चनले उत्कृष्ट बचाउ गर्दै दोब्बर अग्रता टारे । ३५औं मिनेटमा सर्ज जिनाब्रीको हेडरलाई गोलरक्षक बुस्चनले अर्काे उत्कृष्ट बचाउ गरे ।

४३औं मिनेटमा टोनी क्रुसको प्रहार पोस्टबाट थोरै बाहिरिदा जर्मनीले पहिलो हाफमा १–० को अग्रता लिन सफल भयो । पहिलो हाफमा युक्रेनले कुनै पनि समय जर्मनीको पोस्टमा गतिलो आक्रमण बुन्न सकेन । दोस्रो हाफको शुरुमै जर्मनीले अग्रता दोब्बर पार्‍यो ।

४९औं मिनेटमा लियोन गोरेट्जकाले गोलरक्षक बुस्चनको गल्तीमा गोल गर्न सफल भएका थिए । लुकास क्लोसटमानको क्रसलाई गोलरक्षक बुस्चनले सहजै नियन्त्रणमा लिएर पनि फुस्काएपछि गोरेट्जकाले गोल गर्न सफल भएका थिए । लगत्तै ५०औं मिनेटमा बुस्चनले जुलियन ड्राक्सलरको प्रहारलाई उत्कृष्ट बचाउ गरे ।

५७औं मिनेटमा ड्राक्सलरको दुई प्रहारमा बुस्चन नै बाधक बने । ६०औं मिनेटमा युक्रेनका रस्लान मालिनोभ्स्कीको प्रयासले कप्तान तथा गोलरक्षक म्यानुयल नोयरलाई दवाव सिर्जना भएन । ७६औं मिनेटमा युक्रेनले पेनाल्टीमार्फत गोल गर्दै गोलअन्तर २–१ मा झार्‍यो ।

निकलस सुलले पेनाल्टी बक्समा रोमन यारेमचुकलाई फल गरेपछि प्राप्त पेनाल्टीमा रुस्लान मालिनोभ्स्कीले गोल गरे । नोयरले सही दिशा दिएपनि बचाउन सकेन । ८२औं मिनेटमा जिनाब्रीको प्रहारलाई बुस्चनले अर्काे उत्कृष्ट बचाउ गरे ।

अन्य नतिजा

ग्रुप ‘ए’ – ४
स्पेन
विरुद्ध स्वीट्जरल्यान्ड (–०)

ग्रुप ‘सी’ – १
लक्जेमवर्ग
विरुद्ध साइप्रस (–०)
मोन्टेनेग्रोविरुद्ध अजरवैजान (–०)

ग्रुप ‘डी’ – १
फारोइ आइल्यान्डविरुद्ध लात्भिया (१–१)

ग्रुप ‘डी’ – २
लिचेस्टानइनविरुद्ध जिब्राल्टार (०–)


Your Views
Related News