काठमाडाैं । बलिउड र कलिउडका दुई हस्तीकाे आज एकै दिन जन्मदिन परेकाे छ ।

नेपाली चलचित्र जगतका बहु प्रतिभाशाली अभिनेता, निर्देशक, निर्माता, लेखक तथा गीतकार नीर विक्रम शाह  र बलिउड अभिनेेता अमिताभ बच्चनकाे आज (आइतबार) एकैदिन जन्मदिन परेकाे हाे ।

आफ्नो ७५ औं जन्म जयन्ती मनाइरहेका शाहलाई सामाजिक संजालबाट शुभकामना दिने चलचित्रकर्मी तथा उनका शुभेच्छुकहरुको ओइरो लागेको छ । सन् १९४५ जुलाइ ७ मा जन्मीएका शाहले अभिनय गरेको पहिलो चलचित्र ‘परिवर्तन’ हो । उनले ‘कुसुमे रुमाल, नाता रगतको, बादलपारि, सिउँदोको सिन्दुर, जीवनसाथी, मुना मदन, सानो संसार, किस्मत’ लगायतका थुप्रै चलचित्रममा अभिनय समेत गरिसकेका छन् ।

उनले ‘बासुदेव, पच्चिस बसन्त, बसन्ती, राजमती, सेतो बाघ’ लगायतका चलचित्रहरु निर्देशन समेत गरिसकेका छन् भने, केहि चलचित्रका गीतहरु पनि लेखेका छन् । उनले लेखेका ‘पर्खिबसे आउला भनी, छोरी मलाई भागी भागी नसताउ, गहिराइमा डुब्दै नडुब, प्यारी बसन्ती’ लगायतका गीतहरु हिट समेत भए । उनी नेपाल टेलिभिजनका संस्थापक अध्यक्ष समेत हुन् ।

चलचित्र क्षेत्रमा उनलाई ‘भिष्म पितामह’ पनि भन्ने गरिन्छ । उनी अहिले पनि चलचित्र क्षेत्रमा निकै नै सक्रिय रहेका छन् । शाह अहिले म्युजिक भिडियो, टेलि चलचित्रदेखि ठुला पर्दाका चलचित्रमा सक्रिय रहेका छन् । हरेक क्षेत्रमा सक्रिय रहेका शाहले थुप्रै अवार्ड तथा सम्मानहरू समेत पाइसकेका छन् ।

त्यस्तै बलिउड अभिनेता अमिताभकाे याे ७८ औं जन्मदिन हाे । सन् १९४२ अक्टुबर ११ तारिखमा जन्मिएका बच्चनले ‘सात हिन्दुस्तान’ बाट चलचित्र क्षेत्रमा प्रवेश गरेका थिए । बच्चनले अभिनय गरेका ‘चलचित्र ‘जन्जीर, दिवार, शाेले’ ले बक्स अफिसमा तहल्का पिटेका थिए । बच्चनले ७०–८० को दशकतिर सिंगो बलिउडलाई नै काँधमा बोकेका थिए ।

अभिनेता बच्चनले थुप्रै चलचित्रहरुबाट अवार्ड समेत प्राप्त गरेका छन् । आजका दिनसम्म आइपुग्दा पनि बच्चन बलिउडमा सक्रिय अभिनेताका रुपमा रहेका छन् । अहिले उनी ‘कौन बनेगा करोडपति’ जस्तो लोकप्रिय टेलिभिजन शोको सञ्चालकसमेत रहेका छन् ।

यस समयमा बच्चनका पाँच ठूला चलचित्रहरु रिलिज हुने तयारीमा छन् । बच्चनको उमेर जति बढ्दै गएको छ उनी काममा पनि उति नै सक्रिय देखिन्छन् ।

READ MORE NEWS

काठमाडौंमा कुखुराको मासु तीन वर्षयताकै सस्तो

२५ असोज, काठमाडौं । कुखुराको मासु पछिल्लो तीन वर्ष यताकै सस्तो भएको व्यवसायीहरुले बताएका छन् । एक महिनामा तीन पटक मूल्य घट्दा पनि मासु नबिकेपछि प्रतिकिलो तयारी मासुको मूल्य दुई सय रुपैयाँबाट पनि तल झरेको राष्ट्रिय कुखुरा बिक्री व्यवसायी संघले जनाएको छ ।

‘मासुको मूल्य तीन वर्ष यताकै सस्तो छ, दुई सय भन्दा कममा बेच्दा पनि बजारमा मासुको खपत बढेन,’ संघका प्रथम उपध्यक्ष श्रय ढकालले भने ।

यो सताका लागि संघले काठमाडौं उपत्यकामा कुखुराको तयारी मासुको प्रतिकिलो न्यूनतम् मूल्य २०५ रुपैयाँ तोकेको ढकालले बताए । साउन अन्तिम साता तीन सय भन्दा बढी रहेको मासुको मूल्य तीन पटक घटेर नयाँ मूल्य कायम भएको संघका महासचिव बाबुराजा रावल बताउँछन् । मूल्य सस्तो हुँदा पनि उपभोग भने अझै निरासाजनक रहेको उनले बताए ।

खपतको तुलनामा उत्पादन बढेका कारण बजारमा मासुको मूल्यको भाउ ओरालो लागेको भ्याली ग्रूपका कार्यकारी निर्देशक एवम् मासु व्यवसायी सक्षम घिमिरे बताउँछन् ।

चाडपर्वलाई लक्षित गरेर किसानले मासुको उत्पादन बढाएको तर बजारको खपत ५० प्रतिशतभन्दा बढीले घट्दा मासुको बिक्रीमा मन्दी आएको उनले बताए ।

‘मासु धेरै खपत हुने होटल, रेष्टुरेन्ट, पार्टी पयालेस, होटल जस्ता कोभिड-१९ले बन्द हुँदा मासुको खपत निरासाजनक भयो,’ घिमिरेले भने ।

लकडाउन अवधिमा मासुको व्यापार राम्रै भएपनि दोस्रो पटकको निषेधाज्ञाले व्यापार चौपट भएको उनको दाबी छ । मासु खपतका लागि सरकारी योजना नभएको र महामारीकै बेला आइपरेको संकटले व्यवसायी पनि अन्योलमा परेको घिमिरेले बताए ।

सामान्य अवस्थामा काठमाडौंमा दैनिक साढे दुई लाख किलो मासु बिक्री हुने गरेकोमा अहिले मुस्किलले सवा लाख किलो मात्रै मासु बिक्री भईरहेको संघले जनाएको छ ।

यसरी पनि तौल घटाउन सकिन्छ


Your Views
Related News