काठमाडौ । कौन बनेगा करोड़पतिको १२ औं सत्र प्रसारण भइरहेको छ। विगत १२ बर्षदेखि चलिरहेको यो कार्यक्रम लाखौं दर्शकहरूको छनोट हो र यसमा अमिताभको होस्ट गर्ने शैलीले यसलाई अझै अनौंठो बनाएको छ। पछिल्ला केहि बर्षहरूमा यस्तो निकै घटना निकै कम भएको छ की जसले मानिसलाई चकित बनाएको छ ।दर्शकहरूले मंगलबारमा प्रसारित भएको एपिसोडमा यस्तै अचम्म लाग्दो दृष्य देख्न पाए। महाराष्ट्रको मुम्बई शहरका स्वप्नील चव्हाण अगाडीको सिटमा बसेका थिए र अमिताभले धेरै प्रश्नहरू गरिरहेका थिए । यद्यपि त्यही बेलामा यस्तो केहि भयो जुन कौन बनेका करोडपतिको इतिहासमा आज सम्म कतै बिरलै देखिएको छ।

जब अमिताभले स्वप्नीललाई २ हजार रुपैयाँको प्रश्न सोध्दै थिए, तब बिग बीको छेउमा रहेको कम्प्युटर अचानक बन्द (ह्याग्) भयो । अमिताभले भने( तपाईको कम्प्युटर स्क्रिनमा अर्को प्रश्न २ हजार रूपैयाँको लागि। तर त्यसो भए स्क्रिनमा प्रश्ननै आएन । अमिताभले तीन पटक भने ( दुई हजार, दुई हजार रूपैयाँ, दुई हजार रुपैयाँको प्रश्न।तर यति गर्दा पनि स्क्रिनमा प्रश्न आएन । अमिताभले त्यस पछि यता उता हेर्न थाले । अवस्थालाई सामान्य बनाउने कोशिष गरे । फेरी उनले प्रश्न अपिल गरे । लामो समय पछि बल्ला प्रश्न आयो, अनि उनले भने आयो आयो । आइपुगेको छ यसपछि अमिताभले प्रश्न पढे र त्यसपछि प्रतियोगीले प्रश्नको उत्तर दिए। यो सबै केहि सेकेन्डमा भयो तर परिस्थितिहरू हेर्न लायकका थिए। साथै, हामीले भन्नु पर्छ कि बिग बीले परिस्थितिलाई राम्रोसँग ह्यान्डल गरे।

READ MORE NEWS

नेपाल टेलिकमले ल्यायो चाडबाड अफर, फेसबुक र युट्युव अनलिमिटेड चलाउन मिल्ने

काठमाडौं । नेपाल टेलिकमले चाडबाडको समयलाई लक्षित गर्दै विभिन्न अफर सार्वजनिक गरेको छ । कम्पनीले अनलिमिटेड युट्युव र फेसबुक चलाउन मिल्ने गरी नयाँ अफर ल्याएको हो ।कम्पनीको मोबाइल सेवामा समर अफरअन्तर्गत हाल उपलब्ध विभिन्न प्याकेजलाई थप परिमार्जन गरी बिहीबारदेखि तीन महिनासम्म लागु हुने गरी अटम अफर ल्याइएको छ । जसअन्तर्गत नयाँ प्याकेजको रुपमा सोसल मिडिया प्याक उपलब्ध हुनेछ ।यसमा तीन दिनसम्म चलाउन मिल्नेगरी ५५ रुपैयाँमा युट्युव अनलिमिटेड र फेसबुक अनलिमिटेड प्याकेज छुट्टाछुट्टै रुपमा उपलब्ध हुने जनाइएको छ ।

यी अफर खरिद गरे पश्चात् सहुलियत स्वरुप १५ रुपैयाँमा तीन दिनसम्म सबै किसिमका एप्लिकेसन प्रयोग गर्न सकिने गरी एक जिबी डेटाको एड अन प्याक समेत खरिद गर्न सकिनेछ । यसअघि ४० रुपैयाँमा तीन दिनका लागि ५५ मिनेटको भ्वाइस प्याक उपलब्ध गराइरहेकोमा अब सोही दरमा ७० मिनेट टकटाइम पाइनेछ ।साथै १५ रुपैयाँमा ‘वान नाइट अनलिमिटेड’ भ्वाइस कल उपलब्ध हुनेछ । यसअघि उपलब्ध अल टाइम भ्वाइस प्याकअन्तर्गत १ दिन, ७ दिन, २८ दिन र ३५ दिनका लागि उपलब्ध भ्वाइस प्याकहरु यथावत् राखिएका छन् ।त्यसैगरी राति १० बजेदेखि बिहान ७ बजेसम्म चलाउन मिल्ने नाइट भ्वाइस प्याक र बिहान ५ बजेदेखि बेलुकी ५ बजेसम्म चलाउन मिल्ने विभिन्न दरका डे भ्वाइस प्याक पनि यथावत रहनेछन् ।यसअघि ‘वान डे डेटा प्याक’ अन्तर्गत कुनैपनि समय चलाउन मिल्ने प्याक १५ रुपैयाँमा ६० एमबी उपलब्ध हुने गरेकोमा अब १०० एमबी प्राप्त गर्न सकिनेछ ।

त्यसैगरी ‘थ्री डे डाटा प्याक’ अन्तर्गत ६० रुपैयाँमा ४०० एमबी उपलब्ध हुने गरेकोमा अब ५०० एमबी प्राप्त गर्न सकिनेछ । वान डे डेटा प्याक अन्तर्गत बिहान ६ बजेदेखि बेलुकी ६ बजेसम्म चलाउन मिल्ने डाटा प्याकको भोलुम पनि पहिलेभन्दा बढाइएको छ ।यस अन्तर्गत १० रुपैयाँमा ८० एमबी डेटा उपलब्ध हुने गरेकोमा अब १२० एमबी र १५ रुपैयाँमा २५० एमबी डेटा पाउन सकिनेछ । यसैगरी टेलिकमले घटस्थापनादेखि कोजाग्रत पुर्णिमासम्म लागु हुने ‘दशैं अफर’ र काग तिहारदेखि छठ पर्वसम्म लागु हुने ‘तिहार अफर’ पनि ल्याएको छ ।जसअन्तर्गत दशैं तिहार र छठ पर्वलाई समेत समेटेर जीएसएम तथा सीडीएमए मोबाइलको रिचार्जमा कुराकानीका लागि अतिरिक्त मिनेट बोनसका रुपमा उपलब्ध गराइनेछ । यसमा रिचार्ज कार्डबाट ५० को रिचार्ज वा एमपोसबाट २० देखि ५० सम्मको रिचार्ज गर्दा सोही दिन प्रयोग गर्न सकिने गरी पाँच मिनेट बोनस प्राप्त हुनेछ ।

रिचार्जकार्डबाट १०० रुपैयाँ वा एमपोसबाट ५१ देखि १०० को रिचार्ज गर्दा सोही दिन प्रयोग गर्न मिल्ने गरी थप १० मिनेट बोनस टकटाइम प्राप्त हुनेछ । रिचार्ज कार्डबाट २०० रुपैयाँको वा एमपोसबाट १०१ देखि २०० रुपैयाँको रिचार्ज गर्दा सोही दिन प्रयोग गर्न सकिने गरी २० मिनेट थप बोनस प्राप्त गर्न सकिनेछ ।एमपोसबाट २०१ देखि ४९९ रुपैयाँसम्म रिचार्ज गर्दा सोही दिन प्रयोग गर्नमिल्ने गरी ३० मिनेट बोनस प्राप्त गर्न सकिनेछ ।यसैगरी, रिचार्ज कार्डबाट ५०० रुपैयाँको वा एमपोसबाट ५०० देखि ९९९ रुपैयाँसम्मको रिचार्ज गर्दा दुई दिनभित्र प्रयोग गर्न सकिने गरी ५० मिनेट बोनस प्राप्त हुनेछ । साथै, रिचार्ज कार्डबाट १००० रुपैयाँ वा एमपोसबाट १००० हजार वा सोभन्दा माथि रिचार्ज गर्दा दुई दिनमा प्रयोग गर्न सकिने गरी १०० मिनेट बोनस प्राप्त हुनेछ ।

यसका साथै मिति २०७७ कात्तिक १ गतेबाट नेपाल टेलिकम एप पहिलो पटक डाउनलोड गर्दा ५०० एमबी डेटा एक पटकका लागि निःशुल्क प्राप्त हुनेछ । यसैगरी *444# डायल गरी फोरजी सेवामा सिमकार्ड स्तरोन्नती गर्दा एक पटकका लागि ५०० एमबी (सबै नेटवर्कमा) र थप ५०० एमबी फोरजी नेटवर्कमा प्रयोग गर्न सकिने गरी निःशुल्क प्राप्त हुनेछ ।यसअघि विद्यार्थीहरुका लागि मात्र उपलब्ध रहेको ह्याप्पी लर्निङ प्याक अब सबै ग्राहकले प्रयोग गर्न पाउने कम्पनीले जनाएको छ । यो प्याक लिनका लागि अब सम्बन्धित निकायको सिफारिश समेत आवश्यक पर्नेछैन । टेलिकमका प्रयोगकर्ताले *1415# डायल गरी विभिन्न प्याकेज खरिद गर्न सक्नेछन् । साथै टेलिकमको मोबाइल एपबाट समेत प्याकेजहरु खरिद गर्न सकिनेछ । साथै कम्पनीको एप तथा वेबसाइटमार्फत यस सम्बन्धी विस्तृत जानकारी प्राप्त गर्न सकिनेछ ।


Your Views
Related News