एजेन्सी, ३ कात्तिक । विश्व अहिले कोरोना भाइरसको महामारीसँग जुधिरहेको छ । भ्याक्सिन विकासमा दौडधूप चलिरहेको छ । यसैबीच एक १४ वर्षीया बालिकाले कोरोना भाइरसविरुद्धको प्रभावकारी उपचार शैली पत्ता लगाएकी छिन् ।भारतीय मूलकी ती अमेरिकन बालिकाले कोरोना भाइरसविरुद्वको प्रभावकारी उपचार पत्ता लगाएको इन्डिएन एक्सप्रेसले खबर छापेको छ । अमेरिकाको टेक्सस राज्यमा आठौँ कक्षामा अध्ययनरत अनिका चेबरोलुले कोरोना भाइरसविरुद्वको उपचारको लागी थेरेपी विधि विकास गरेको बुझिएको छ । उनले आफ्नो कक्षामा विज्ञान प्रतिस्पर्धामा भाग लिने क्रममा उक्त थेरेपी पत्ता लगाएकी हुन् ।३ एम च्यालेन्ज वेबसाइटका अनुसार उनले इन सिलिको मेथेडोलोजीद्वारा पत्ता लगाएको लीड मलिक्युलले कोरोना भाइरसको स्पाइक प्रोटिनलाई रोक्न र बाँधेर राख्न सक्ने जनाइएको छ । उनले विगतमा इन्फ्लूएन्जाविरुद्वको उपचार समेत बनाएकी थिइन् ।उनले भनिन्,‘सानो समयमा मैलै उक्त कोरोना भाइरस विरुद्वको उपचार पत्ता लगाएकी हुँ । म आफ्नो गुरुसंग सल्लाह लिई कोरोना भाइरस विरुद्व प्रभावकारी कदम चाल्ने छु ।’ उनले आफ्नो विज्ञान प्रतिस्पर्धावापत २५ हजार डलर इनाम प्राप्त गरेकी थिइन् ।

READ MORE NEWS

रक्सी पिउँदा-पिउँदै विवादपछि ‘काकाको हत्या’


रक्सी पिउँदा-पिउँदै विवादपछि 'काकाको हत्या'

कास्की, कात्तिक ३ । आफ्नै काकाको हत्या गरेको आरोपमा एकजना व्यक्ति पक्राउ परेका छन् ।५५ वर्षीय टंकबहादुर तामाङको हत्या गरेको आरोपमा ओखलढुंगाको सुनकोशी गाउँपालिका-५, बान्द्रेका ४६ वर्षीय ईन्द्रबहादुर तामाङलाई आइतबार प्रहरीले पक्रेको हो ।पोखरा महानगरपालिका-२०, मजुवा-बिसौना-विजयपुर कोट पर्यटकीय पैदलमार्ग निर्माणको काम गर्दै आएका सुनकोशी-५ कै टंकबहादुर गएको वैशाख २१ गते बिहान आफू बस्दै आएको मजुवास्थित छाप्रोमा मृत अवस्थामा फेलापरेका थिए ।प्रहरीले ईन्द्रलाई लमजुङको मध्यनेपाल नगरपालिका-२, सोतीपसलबाट पक्राउ गरेको हो । घटनापश्चात् फरार रहेका उनी त्यहाँ लुकीछिपी बसेको अवस्थामा भेटिएको प्रहरीले जनाएको छ ।वैशाख २० गते बेलुका टंक र ईन्द्रसमेतका व्यक्तिहरुले सँगै रक्सी सेवन गरेका थिए । सोहीक्रममा भाँडा खसालेको विषयमा टंक र ईन्द्रबीच विवाद हुँदा ईन्द्रले टंकको हत्या गरेको प्रहरीको प्रारम्भिक अनुसन्धानबाट खुल्न आएको छ ।ईन्द्रउपर कर्तव्य ज्यान मुद्दामा थप अनुसन्धान अगाडि बढाइएको जिल्ला प्रहरी कार्यालय कास्कीले जनाएको छ ।

के-के हुन् मन्त्रिपरिषद्का निर्णयहरु: सीमा बन्द कात्तिक ३० सम्मै, बस तथा जहाजमा पुरै यात्रु राख्न पाइने


Your Views
Related News