काठमाडौ । स्वास्थ्य तथा जनसंख्या मन्त्रालयले कोरोना भाइरसको निःशुल्क परीक्षण र उपचारसम्बन्धी मापदण्ड सार्वजनिक गरेको छ ।

मन्त्रालयले आइतबार मात्र आर्थिक रुपमा विपन्न, अशक्त, असहाय अवस्थामा रहेका नागरिक, असहाय एकल महिला, अति अपाङ्गता भएका नागरिक, जेष्ठ नागरिक, अग्रपंतिमा खटिनेहरुमा लक्षण भएमा मात्र परीक्षण र उपचार निःशुल्क गर्ने र उनीहरुले कोरोना बिमा गरेको त्यसबाट कट्टा गर्ने बताएको थियो ।

मन्त्रालयको स्वास्थ्य आपतकालीन कार्यसञ्चालन केन्द्रले निःशुल्क परीक्षण र उपचारसम्बन्धी मापदण्ड सोमबार सबै कोभिड अस्पताललाई पठाएको छ । मापदण्ड अनुसार निःशुल्क उपचार पाउने विपन्नमा विपन्न परिचयपत्र वा विपन्न नागरिकलाई उपचारसम्बन्धी निर्देशका अनुसारको सिफारिस वा स्वयंम घोषणा गर्नुपर्ने हुन्छ ।

यस्तै अशक्तको प्रमाणपत्र भएका वा स्वयंम घोषणा गरेका, असहायको सिफारिस भएका वा स्वयंम घोषणा गर्ने, एकल महिलाको प्रमाणपत्र भएका वा स्वयंम घोषणा गर्ने र अपाङ्गताको प्रमाणपत्र भएकाले पनि निःशुल्क परीक्षण र उपचार पाउनेछन् ।

७० वर्ष उमेर पुगेको नागरिकताको प्रमाणपत्र भएका वा स्वयंम घोषणा गर्नेहरुले पनि कोरोनाको निःशुल्क परीक्षण र उपचार पाउने मापदण्डमा उल्लेख छ ।

यस्तै अग्रपक्तिमा खटिने स्वास्थ्यकर्मी, सफाइ कर्मचारी, सुरक्षाकर्मी लगायत जोखिम क्षेत्रमा कार्यरत कर्मचारीलाई सम्बन्धित कार्यालयको परिचयपत्र वा सिफारिसका आधारमा कोरोनाको निःशुल्क परीक्षण र उपचार गरिने मन्त्रालयले जनाएको छ ।

तर आकस्मिक उपचारका लागि आधार प्रमाणहरु नभएकै कारण कसैलाई पनि उपचारबाट बञ्चित गर्न नपाइने मन्त्रालयले अस्पतालहरुलाई पठाएको परिपत्रमा उल्लेख छ ।

READ MORE NEWS

यी १४ वर्षीया नानीले पत्ता लगाएको उपचार पद्धति कोरोना भाइरसविरुद्ध प्रभावकारी

काठमाडौ । विश्व अहिले कोरोना भाइरसको महामारीसँग जुधिरहेको छ । भ्याक्सिन विकासमा दौडधूप चलिरहेको छ । यसैबीच एक १४ वर्षीया बालिकाले कोरोना भाइरसविरुद्धको प्रभावकारी उपचार शैली पत्ता लगाएकी छिन् ।

भारतीय मूलकी ती अमेरिकन बालिकाले कोरोना भाइरसविरुद्वको प्रभावकारी उपचार पत्ता लगाएको इन्डिएन एक्सप्रेसले खबर छापेको छ । अमेरिकाको टेक्सस राज्यमा आठौँ कक्षामा अध्ययनरत अनिका चेबरोलुले कोरोना भाइरसविरुद्वको उपचारको लागी थेरेपी विधि विकास गरेको बुझिएको छ । उनले आफ्नो कक्षामा विज्ञान प्रतिस्पर्धामा भाग लिने क्रममा उक्त थेरेपी पत्ता लगाएकी हुन् ।

३ एम च्यालेन्ज वेबसाइटका अनुसार उनले इन सिलिको मेथेडोलोजीद्वारा पत्ता लगाएको लीड मलिक्युलले कोरोना भाइरसको स्पाइक प्रोटिनलाई रोक्न र बाँधेर राख्न सक्ने जनाइएको छ । उनले विगतमा इन्फ्लूएन्जाविरुद्वको उपचार समेत बनाएकी थिइन् ।

उनले भनिन्,‘सानो समयमा मैलै उक्त कोरोना भाइरस विरुद्वको उपचार पत्ता लगाएकी हुँ । म आफ्नो गुरुसंग सल्लाह लिई कोरोना भाइरस विरुद्व प्रभावकारी कदम चाल्ने छु ।’ उनले आफ्नो विज्ञान प्रतिस्पर्धावापत २५ हजार डलर इनाम प्राप्त गरेकी थिइन् ।

READ MORE NEWS

कोरोनाबाट मृत्यु भएकामा लाश सरकारले नै व्यवस्थापन गर्ने

काठमाडौ । कोरोना संक्रमणबाट मृत्यु भएमा सरकारले नै व्यस्थापन गर्ने स्वास्थ्य मन्त्रालयले स्पष्ट पारेको छ । मन्त्रालयको नियमित प्रेस विफ्रिङमा प्रवक्ता प्रा.डा. जागेश्वर गौतमले सरकारले अन्तिम सस्कार गर्दैन भन्ने भ्रममा नपर्न आग्रह गरेका हुन् ।

डा. गौतमले होम आइशोलेशनमा बसेका व्यक्तिको मृत्यु भएमा परिवारले आफ्नो परम्परा र संस्कृति अनुसार सुरक्षित तरिकाले अन्तिम सस्कार गर्न चाहेमा गर्न पाउने व्यवस्था मात्र गर्न खोजेको स्पष्ट पारे ।

‘नेपाली सेनाले गर्दै आएको लाश व्यवस्थापनको कार्य निरन्तर रहिरहन्छ,’ उनले भने, ‘धेरै समुदाय र संघ सस्थाले अन्तिम सस्कार आफ्नो धर्म र परम्पराबाट गर्न पाउने माग भएकोले संक्रमित आफन्तको अन्तिम अन्तिमसंस्कार आफै गर्न चाहेमा उनीहरुको भावनाको सम्मान गर्दै यो व्यवस्था गरिएको हो ।’

यसअघि कोरोना संक्रमणबाट मृत्यु भएका लाश परिवार आफैले गर्नुपर्ने भनी सरकारले जनाएको खबर बाहिर आएको थियो । त्यही केही अस्पष्ट भएको र सरकारले नै गर्ने भन्ने चै स्पष्ट भएको उनले जनाएका छन् ।

 


Your Views
Related News