काठमाडौ । कोरोना संक्रमण रोकथाम र संक्रमितको उपचार गर्नुपर्ने दायित्वबाट सरकार पछि हटेको छ । अस्पतालमा भर्ना भएका संक्रमितको निःशुल्क उपचार गर्दै आएको सरकारले अबदेखि त्यो दायित्व वहन नगर्ने निर्णय गरेको हो ।

यो निर्णयसँगै सरकारले आफूलाई कोरोनाभाइरसबाट संक्रमित र मृतकको संख्या गन्नेमा सीमित गरेको छ । महामारीबाट नागरिकलाई जोगाउन निःशुल्क उपचारको व्यवस्था गर्नुपर्नेमा सरकार त्यसबाट पछि हट्नु लोकतान्त्रिक र समाजवादउन्मुख राज्यको अवधारणा विपरित हो ।

उपचारका लागि बेडसमेत नपाएर भौतारिनुपर्ने अवस्था आएका बेला सरकारले गरेको यस्तो निर्णयबाट सक्रमितबाट थप प्रताडित हुने देखिएको छ । सरकारले कोरोना महामारीबाट देश र जनतालाई जोगाउन राज्यको सबै स्रोतसाधनको प्रयोग गर्नुको साटो संक्रमण उच्च विन्दुमा पुगेका बेला जिम्मेवारीबाट हात झिकेको हो ।

सरकारको निर्णयअनुसार अब संक्रमितले आफ्नै खर्चमा उपचार गराउनुपर्नेछ । यो व्यवस्था आइतबारदेखि लागू भएको स्वास्थ्य तथा जनसंख्या मन्त्रालयले जनाएको आजको नागरिक दैनिकमा खबर छ ।

READ MORE NEWS

फ्याक्ट चेक : अहिले बनेका कोरोना भाइरस बिरुद्धको खोप लगाउँदा मानिस बाँदर बन्न सक्छ !

काठमाडौं । कोरोना भाइरस (कोभिड–१९) विरुद्ध बेलायतमा बनेको खोप लगाउँदा मान्छे विस्तारै बाँदर हुनसक्ने तथ्य बाहिर आएको छ । वास्तवमा भएको के भने रूसमा यस्तो अभियान सञ्चालन भइरहेको छ ।

त्यहाँ अक्सफोर्ड विश्वविद्यालयका वैज्ञानिकहरूले तयार पारेको खोपलाई गलत घोषणा गर्नका लागि यस्तो अफवाह फैलाएको खुलेको छ । यसको उद्देश्य यो खोपको बारेमा व्यक्तिहरूमा डर पैदा गर्नु हो । साथै, त्यहाँ एक हास्यास्पद दाबी छ कि मानिसहरू बाँदर बन्दछन् किनकि त्यसमा चिप्न्जी भाइरस प्रयोग भएको छ ।

फोटो र भिडियो क्लिपमा यो भनिएको छ कि बेलायतमा उत्पादित कुनै पनि खोप खतरनाक हुन सक्छ, यो रुसको सोशल मीडियामा भाइरल भइरहेको छ । केहि फोटो र भिडियोहरू रूसको टिभी कार्यक्रम भेस्टी न्यूजमा देखाइएको छ जुन बीबीसीको न्यूज नाइटको बराबरीमा रहेको मानिन्छ। एउटा तस्विरमा, बेलायतका प्रधानमन्त्री बोरिस जोनसन डाउन स्ट्रिटमा हिडिरहेका छन्, तर यसमा उनलाई यती जस्तो देखिने गरी चलाइएको छ । यस चित्रको क्याप्शन छ–‘मलाई मेरो खुट्टाको खोप मन पर्छ।’

अर्को फोटोले देखाउँदछ कि चिम्पान्जी एस्ट्राजेनेका औषधी कम्पनीको ल्याब कोटमा छ, जसले खोप तयार गरिसकेको छ, र हातमा खोप पनि छ । यस सन्देशको साथ अमेरिकाको जस्तै अर्को फोटोमा–‘म चाहान्छु कि तपाई यो बाँदर खोप लगाउनुहोस् ।’ यस अभियानको उद्देश्य पूर्ण रूपमा अक्सफोर्डको खोप कार्यक्रममा चोट पुर्याउनु भएकोजस्तो देखिन्छ । यसको एउटा ठुलो कारण यो हो कि जुन मुलुकहरूमा रूसले यसको खोप स्कुटनिक–भि बेच्न चाहन्छ, त्यहाँ बेलायतको यो खोपको बिक्रीमा असर पार्नु भन्ने पनि रहेको छ ।

अक्सफोर्ड युनिभर्सिटीका बाल रोग र रोग प्रतिरोधात्मकताका प्राध्यापक, पोल्लार्डले बीबीसी रेडियो कार्यक्रममा भने, ‘यस सन्दर्भमा हामी जहाँ कुनै पनि गलत सूचना छ त्यहाँ हामी हस्तक्षेपको बारेमा सोच्दैछौं । यस्तो कार्य जसले भविष्यमा महामारी रोक्न सहयोग गर्नेछ । चाहे ती उपचारहरू हुन् वा खोप, केहि पनि खतरनाक हुन सक्छ ।’

 


Your Views
Related News