६ कार्तिक काठमाडौं । बुधबार प्याजको मूल्य औसतमा मंगलबारको तुलनामा प्रतिकिलो १४ रुपैयाँले बढेको छ।कालिमाटी तरकारी बजारमा प्याजको थोक मूल्य मंगलबारका लागि अधिकतम १ सय ३५ रुपैयाँ र न्यूनतम १ सय ३० रुपैयाँ तोकिएको छ।प्याजको मूल्य आकाशिएसँगै उपभोक्ता मारमा परेका छन् । उपभोक्ताले चर्को मूल्य तिरेर प्याज किन्नुपर्ने बाध्यता रहेको छ ।मंगलबार कालिमाटी तरकारी बजारमा प्याजको थोक मूल्य प्रतिकेजी औसतमा १ सय १८ रुपैयाँ रहेको थियो।
READ MORE NEWS
‘बुद्धको अमृतमय वचन तथा बौद्ध परम्परा’ पुस्तक प्रकाशनार्थ दावा शेर्पाको आर्थिक सहयोग
काठमाडौं । बौद्धधर्म गुरु एवं आचार्य दावा साङ्बो योल्मोपाले भगवान बुुद्ध, बौद्धदर्शन र नेपालको अन्तर्राष्ट्रियस्तरमा प्रचार–प्रसार गर्ने अभियानका साथ ‘बुद्धको अमृतमय वचन तथा बौद्ध परम्परा’ नामक पवित्र ग्रन्थ प्रकाशन गर्ने भएका छन् ।संखुवासभाको पावाखोला–७ निवासी तेन्जीज शेर्पा र पासा शेर्पाकी सुपुत्री समेत रहेकी दावाले तामाङ सोसाइटी अफ अमेरिकाका पूर्व महासचिव स्व. अमर तामाङको असामहिक निधनप्रति प्रार्थनासहित श्रद्धाञ्जली व्यक्त गरेकी छिन् । समाजसेवी समेत रहेकी दावाले ग्रन्थ प्रकाशन तथा व्यवस्थापन समितिलाई १० हजार ५५ अमेरिकी डलर सहयोग गरेकी छिन् ।दावाले गरेको सहयोगप्रति समितिले धन्यवाद व्यक्त गरेको छ । ‘यस प्रकारको महान अभियानका निम्ति विशेष आर्थिक सहयोग प्रदान गर्नुभएकोमा श्रीमती दावा शेर्पाज्यूको सु–स्वास्थ्य, दीर्घायु, सुख–शान्ति, समृद्धि एवं उत्तरोत्तर प्रगति तथा समुन्नतिको कामना सहित हार्दिक धन्यवाद ज्ञापन प्रकट गर्दछौं ।’ ग्रन्थ प्रकाशन तथा व्यवस्थापन समितिले भनेको छ ।
सामलिङ पावर कम्पनीले १२ करोड ३० लाख रुपैयाँको आइपिओ निष्काशन गर्ने
काठमाडौं–सामलिङ पावर कम्पनी लिमिटेडले १२ करोड ३० लाख रुपैयाँको प्राथमिक शेयर निष्काशन गर्ने भएको छ। कम्पनीले प्राथमिक शेयर निष्काशनका तथा प्रत्याभूतिकर्ताका लागि एनआईबिएल एस क्यापिटललाई धितोपत्र निष्काशन तथा बिक्री प्रवन्धकमा नियुक्त गरेको छ। उक्त सम्झौतापत्रमा सामलिङ पावर कम्पनी लिमिटेडको तर्फबाट प्रमुख कार्यकारी अधिकृत भानु पोखरेलले र एनआईबिएल एस क्यापिटल लिमिटेडका तर्फबाट नायब प्रमुख कार्यकारी अधिकृत मेखबहादुर थापाले हस्ताक्षर गरेका छन्। ऊर्जा डेभलपर्स प्रालिको ग्रुप कम्पनी सामलिङ पावर कम्पनी लिमिटेडले इलाम जिल्लामा निर्माणाधीन माईबेनी जलविद्युत आयोजना २०२० को अन्त्य सम्ममा सम्पन्न गर्ने लक्ष्य राखेको छ। यस आयोजनाबाट वार्षिक उत्पादन हुने ५३.२८ गिगावाट ऊर्जा ईलाम जिल्लाको गोदकस्थित नेपाल विद्युत प्राधिकरणको गोदक सवस्टेसनमार्फत् राष्ट्रिय प्रणालीमा जोडिने कम्पनीले जनाएको छ।प्रवर्द्धक कम्पनी सामलिङ पावर कम्पनीका अध्यक्ष तथा ऊर्जा डेभलपर्स प्रालिका अध्यक्ष विजयबहादुर राजभण्डारीले विद्यमान प्रतिकूल वातावरणका बाबजुद आयोजनाको सिभिल निर्माण कार्य सुचारु गरी सम्पन्न हुने अन्तिम चरणमा रहेको तथा आयोजनाको विद्युत गृहमा टोसिवा कम्पनीका प्राविधिकहरुद्धारा इलेक्ट्रोमेकानिकल यन्त्र उपकरणहरु जडान गर्ने कार्य भइरहेको बताए। उनका अनुसार आगामी ३ महिनामा जडान एवं परीक्षण सम्पन्न गरिनेछ। कम्पनी स्थापनाको चार वर्षभित्र ऊर्जा डेभलपर्सले सम्बद्ध कम्पनीहरुमार्फत् ४९ मेगावाटको अर्धजलाशययुक्त आयोजना निर्माणाधीन अवस्थामा रहेको तथा अन्य ६ आयोजनाहरु निर्माण विकासको विभिन्न चरणमा रहेका छन् ।
रुकुममा सिडिओकै अगाडि ज्यान मार्ने प्रयास, सांसद नै जमानी बसेर छुटाए ‘गुण्डा’
आक्रमणमा घाइते लक्ष्मण बोहोरा र प्रदेश सांसद रातो कामी।कुटपिट हुँदा सिडिओ मुकदर्शक
आक्रमणकारीहरुले कार्तिक १ गते नगरपालिकाको राडि बजारको बोहोरा होटलमा बास बसेका सोहि नगरपालिका ३ का लक्ष्मण बोहरालाई सुतेको बेला ज्यान मार्ने सम्मको नियत राखि आक्रमण गरेका थिए । राति १२ बजे होटेलमा सुतेको कोठाको ढोका फोडि बोहरालाई बाहिर निकालेर फलामको रड, लाठि, मुक्का र लात्तिले कुटपिट गरेको पिडित बोहोराले बताए ।जिल्लामा भर्खरै मात्र आएका प्रमुख जिल्ला अधिकारी बद्रिनाथ गैरे सोहि रात घटना भएको नजिकैको होटलमा बास बसेका थिए । उक्त घटनाले कोलाहल मच्चिने बित्तिकै बाहिर निस्केका प्रजिअ गैरे घटनाको मुकदर्शक मात्रै बनेको पीडितको भनाई छ । ‘उनी घटनाको साँछि जस्तै भए, न प्रहरीलाई आदेश दिए, न त कुटपिट गर्नेहरुलाई केहि भन्न सके’ पीडितका आफन्तले भने, ‘सिडिओकै अगाडि यस्तो छ, अघिपछि यहाँका जनता कसरी श्वास फेर्छन् होला’ !प्रजिअको साथमै रहेका डिएसपी ठगबहादुर के.सी.ले भने कुटपिटमा संलग्न चार जनालाई नियन्त्रणमा लिए । घटनामा करिब १५ जनाको संलग्नता रहेको स्थानीय बताउँछन् । डिएसपी केसीले पक्राउ परेका चारै जनालाई राती नै जिल्ला पठाएर कार्बाहिको तयारी गरेका थिए । घटना नजिकैबाट नियालेका स्थानीय भन्छन्, ‘डिएसपी साप नभैदिएको भए सिडिओकै अगाडि एउटा सर्वसाधारणको हत्या हुने थियो ।’पक्राउ परेका सुशिल बिक वडा नम्बर ३ का वडा अध्यक्ष केशरमान बिकका भाई हुन् । उनले नगरपालिकाका प्रमुख प्रशासकीय अधिकृत रामबहादुर केसीलाई आक्रमण गरी कुटपिट गरेको घटनामा मुद्धा खेपिरहेका छन् । अन्य तीन जना भने नेकपाका कार्यकर्ता हुन् । आठबिसकोट क्षेत्रमा बेलाबेला हुने साबिक माओबादीका यस्ता हर्कतहरुबाट स्थानीयहरु त्रसित भएका छन् । अपराधका घटनामा राजनीतिक दवावका दिई माननीय आफै आएर जमानी बसेर प्रहरीबाट छुटाउँदा पीडितले न्याय पाउँनुको साटो पीडक झन् आपराधीक बाटोमा जाने देखिने स्थानसिय बुद्धिजिवीहरु बताउँछन् । उक्त घटनामा घाईते भएका बोहराको अवस्था भने गम्भीर रहेको छ । उनलाई हालसम्म पनि कोहलपुर मोडिकल कलेजको आईसियुमै राखेर उपचार भैरहेको छ ।
प्राडा कृष्णप्रसाद पौडेलको पुस्तक ‘कम्मरीदेखि कोभिड कहर’
काठमाडौं– चितवनस्थित भरतपुर अस्पतालका अर्थोपेडिक तथा स्पाइन सर्जन प्राडा कृष्णप्रसाद पौडेलको ‘कम्मरीदेखि कोभिड कहर’ नामक पुस्तक प्रकाशनमा आएको छ। उक्त पुस्तक हाड जोर्नी, नशा र स्वास्थ्य सम्बन्धी विषयमा लेखिएका छन्। हड्डी, जोर्नी, नशा, मांसपेसी र मेरुदण्ड सम्बन्धी समस्याबारे सर्वसाधारणलाई जानकारी दिने उद्देश्यले पुस्तक लेखिएको लेखक डा पौडेलले बताए। पुस्तकले घरमै बसेर समस्याबारे थाहा पाई सामान्य उपचार गर्न सहयोग पुग्ने समेत उनले बताए। यो पुस्तकमा ३१ वटा लेखहरु निबन्धको शैलीमा लेखिएका छन्। २२ वटा लेखहरू हाडजोर्नी र नशा सम्बधी छन् भने बाँकी समसामयिक स्वास्थ्य सम्बन्धी रहेको उनले बताए। बचपनदेखि बुढ्यौलीसम्म र महिलाहरूका पृथक समस्याहरू यस पुस्तकमा केलाइएका छन्। आफूहरुले २० वर्षको कार्य अनुभवको आधारमा पनि व्याख्या गरिएकाले पुस्तक सबैले बुझ्न सकिने खालको भएको उनको भनाइ छ।
