दक्षिण कोरियामा बन्दाकोपीको अभाव भएपछि त्यहाँको प्रमुख खानेकुरा किम्ची पाउन मुश्किल पर्न थालेको छ । अगस्ट र सेप्टेम्बर महिनामा कोरियाली प्रायद्वीपमा आँधीतुफान, बाढी र पहिरो आएकाले बन्दाकोपीहरू नष्ट भएका थिए । त्यसपछि बन्दाकोपीको मूल्य ह्वात्तै बढेको छ ।यसले गर्दा दक्षिण कोरियालीहरूले किम्चीको तिक्खर अचार खान पाएका छैनन् । त्यहाँका सबै भोजनमा किम्ची अनिवार्य हुन्छ । बर्गरको बीचमा अनि पिज्जाको माथि पनि किम्ची राखेर खाने गरिएको छ र संसारभरि यो प्रसिद्ध छ ।बन्दाको अभाव भएपछि मूल्य ६० प्रतिशतसम्म बढेको छ । अझ किम्ची बनाउने मौसम शुरू हुनै लाग्दा यस्तो अभाव देखिएको हो । दक्षिण कोरियालीहरू बन्दाकोपीमा खुर्सानीको धूलो, लसुन र अन्य मसला राखेर किम्चीको अचार खाँद्छन् । किम्ची बनाउने कामलाई किमजाङ भनिन्छ र सन् २०१३ मा यूनेस्कोले यसलाई सांस्कृतिक सूचीमा राखेको थियो ।

READ MORE NEWS

सदर चिडियाखानालाई ललितपुर महानगरले दियाे १० लाख

सदर चिडियाखानालाई ललितपुर महानगरपालिकाले १० लाख रुपैयाँ सहयोग गरेको छ। महानगर प्रमुख चिरिबाबु महर्जनले आज एक कार्यक्रमबीच चिडियाखाना प्रमुख चिरञ्जिवी पोखरेललाई चेक हस्तान्तरण गरेका हुन्। कोरोना महामारीका कारण लामो समयदेखि चिडियाखाना बन्द अवस्थामा छ। आम्दानीको मुख्य श्रोत टिकट काउन्टर बन्द भइ आर्थिक समस्या परेको थाहा पाएपछि महानगरले रकम सहयोग गरेको मेयर महर्जनले बताए। ‘धेरै कर्मचारी तलब बिना काम गरिरहनु भएको थाहा पाए। यतिबेला १ हजार बन्यजन्तु पाल्न चिडियाघरलाई गाह्रो भइरहेको छ,’ उनले भने, ‘चिडियाघर महानगरको धरोहर हो। समस्या परेको बेला सहयोग गरेका हौं।’अन्य संघसंस्थाले पनि परेका बेला सहयोग गर्नुपर्ने मेयर महर्जनले बताए। साथै भोलिका दिनमा थप सहयोग गर्नुपरे महानगर तयार रहेको उनले विश्वास व्यक्त गरे।‘आवश्यक पर्दा भोलिका दिनमा पनि महानगरले सहयोग गर्नेछ। समस्या परेको जानकारी हुनुपर्यो,’ उनले भने। कार्यक्रमको अवसरमा मेयर महर्जनले महानगरवासीलाई विजयादशमी तथा नेपाल सम्वतको शुभकामना व्यक्त गरे।

कोरोना परीक्षण र उपचारमा शुल्क लिने सरकारको निर्णय गैरजिम्मेवारपूर्ण रवैया – डा. महत


Your Views
Related News