रुसी राष्ट्रपति भ्लादमिर पुटिनले रुस र चीनबीचको सैन्य गठबन्धन अमेरिकी सेनाभन्दा शक्तिशाली हुने बताएका छन्।विश्वका दुई शक्तिशाली राष्ट्रबीचको गठबन्धनले आफूहरु मुख्य–मुख्य क्षेत्रमा अमेरिकी सेना र तिनका गठबन्धनभन्दा निकै शक्तिशाली हुने पुटिनको भनाइ छ।अमेरिका र चीनबीच चर्को विवाद भइरहँदा बिहीबार पुटिनले चीनसँग सैन्य गठबन्धनको सम्भावना भएको बताएका हुन्।पुटिनले रुस शक्तिशाली राष्ट्र भएकाले कुनै गठबन्धनको आवश्यकता नभएकोमा जोड दिँदै उनले भविष्यमा गठबन्धनको सम्भावना भने रहेको बताए।रुस र चीनले दुई देशबीचको रणनीतिक साझेदारीलाई स्वागत गरेका छन्। यी दुईदेशबीच लगातार सहकार्यहरु हुँदै आएका छन्।ग्लोबल पावर इन्डेक्सका अनुसार रुस र चीन सैन्य शक्तिको आधारमा अमेरिकापछिकै शक्तिशाली राष्ट्र हुन्।चीनमा पुरा ३० लाख ८३ सय सेना छन् भने रुसमा १४ लाख सेना छन्। यस्तै अमेरिकामा पुरा सेना १८ लाख ४७ हजार छन्।यी सबै राष्ट्र परमाणु सम्पन्न राष्ट्र हुन्। चीन र रुसले लगातार संयुक्त सैन्य अभ्यास पनि गर्दै आएका छन्।पछिल्लो सयम अमेरिका र चीनबीच विभिन्न विषयमा विवाद भइरहँदा पुटिनले चीनसँग सैन्य गठबन्धनको सम्भावना भएको जनाएका हुन्।
प्लाज्मा दान गर्न झापा रेडक्रसको आह्वान
झापा ।
विभिन्न अस्पतालमा उपचार गरिरहेका कोभिड–१९ का सङ्क्रमितहरुको अवस्था गम्भीर रहेको जनाउँदै नेपाल रेडक्रस सोसाइटी झापा शाखाले प्लाज्मा दान गर्न आह्वान गरेको छ । शाखाका सभापति लोकराज ढकालले विराटनगरको कोशी, विराट, नोबेल अस्पताल र धरानस्थित विपी मेमोरियल अस्पतालमा उपचाररत १३ सङ्क्रमितको अवस्था गम्भीर बनेको कारण प्लाज्मा दानका लागि आह्वान गर्नुभएको हो ।उहाँले कोभिडका सङ्क्रमितहरु निको भएर आएकाले प्लाज्मा दान गर्न सक्ने जनाउँदै रेडक्रसको विर्तामोड शाखामा रहेको प्लाज्मा बैंकमा आएर निःशुल्क दान गर्न आग्रह गर्नुभयो । “सङ्क्रमितको सङ्ख्या बढेसँगै कतिपय गम्भीर अवस्थामा आइसियूमा हुनुहुन्छ”, उहाँले भन्नुभयो, “चार जनालाई तत्काल प्लाज्मा चाहियो भनेर बिरामीका आफन्तले मागिरहनुभएको छ । उहाँहरुको जीवन बचाउन कोरोना जितेकालाई अपील गर्दछौँ ।’उहाँले हालसम्म आठ जनालाई प्लाज्मा बैंकमा जम्मा भएको प्लाज्मा निःशुल्क प्रदान गरेको बताउनुभयो । बैंकमा चार पोका प्लाज्मा मौज्दात रहे पनि ब्लड ग्रुप नमिलेका कारण दिन नसकेको बताउनुभयो । सभापति ढकालले चितवन, धरान र मोरङमा रहेका बैंकबाट समेत प्लाज्मा ल्याएर सङ्क्रमितको उपचारमा सेवा दिइरहेको बताउनुभयो । जिल्लामा हालसम्म १० जनाले प्लाज्मा दान गरेका छन् ।जिल्लामा कूल सङ्क्रमित एक हजार ६५१ जनामध्ये एक हजार १०० जना निको भइसकेका छन् । होम आइसोलेसनमा ३८८ जना रहेका छन् । सङ्क्रमणबाट मुक्त भएको २० दिनपछि प्लाज्मा दान गर्न मिल्ने जिल्ला स्वास्थ्य कार्यालय झापाका फोकल पर्सन जीवन चौलागाईले बताउनुभयो ।
